اقوام متحدہ اورمتحدہ امریکہ کی پاک بھارت مذاکرات کی بحالی کے لیے سفارتی کوششیں تیز تر

اقوام متحدہ اورمتحدہ امریکہ نے  پاک بھارت کشیدگی کے خاتمے اور مذاکرات کی بحالی کے لیے سفارتی سطح پراپنی کوششوں کو تیز تر کردیا ۔

اقوام متحدہ اورمتحدہ امریکہ   پاک  بھار مذاکرات شروع کروانے کے لیے دونوں ممالک پر دباو  کا سلسلہ جاری رکھا ہوا ہے اور امید ظاہر کی جا رہی ہے کہ جلد ہی  پاکستان اور بھارت  کے درمیان مرحلہ وار مسئلہ کشمیر سمیت تمام تصفیہ طلب امور پر بات چیت کی جائے گی۔

 ان مذاکراتی امور سے وابستہ وفاقی حلقوں سے معلوم ہوا ہے کہ پاکستان نے بھارت کی جانب سے مقبوصہ کشمیر میں جاری  جارحیت ،سرحدوں پر بلااشتعال فائرنگ کے واقعات، بھارتی خفیہ ایجنسی ’’را‘‘ کی مداخلت، سندھ طاس معاہدے کی خلاف ورزی کے تمام معاملات سے موثرسفارتی رابطوں میں کشیدگی کی پیدا ہونے والی صورتحال سے عالمی برادری کو آگاہ کردیا ہے۔

پاکستان کے واضح سفارتی موقف کو اقوام متحدہ  اور متحدہ امریکہ  سمیت اہم ممالک نے تسلیم کیا ہے۔ جس کا واضح اشارہ یہ ہے کہ اقوام متحدہ کی سلامتی کونسل نے پاکستان کے خلاف مودی حکومت کی قرار داد کوحالیہ دنوں میں مسترد کیاہے ۔نومنتخب امریکی صدر ڈونلڈ ٹرمپ نے بھی وزیراعظم نواز شریف سے ٹیلی فونک گفتگو میں واضح اشارہ دیا تھا کہ وہ اہم تنازعات کو حل کرانے کیلیے تمام کوششیں بروئے کارلائیں گے۔

اقوام متحدہ کے نئے سیکریٹری جنرل بھی دوممالک کے درمیان تنازعات کو حل کرانے کیلیے ثالثی کی پیشکش کرچکے ہیں ۔

ذرائع کا کہنا ہے کہ بھارت عالمی دباؤ کے سبب کشیدگی کے خاتمے کیلیے ازخود پاکستان سے مذاکرات کیلیے جلد رابطہ کرسکتا ہے ۔