مقبوضہ کشمیر میں دوبارہ کرفیو نافذ

اطلاع  کے مطابق مقبوضہ کشمیر میں ایک بار پھر کرفیو نافذ کردیا گیا ہے ۔

بھارتی میڈیا کے مطابق ایک روز کی نرمی کے بعد بھارت نے مقبوضہ کشمیر کے جنوبی علاقوں میں دوبارہ کرفیو نافذ کردیا ہے۔ بعض مقامات پر  دفعہ 144 نافذ کر کے فوج اور پیرا ملٹری فورسز کی اضافی نفری تعینات کردی گئی ہے تاکہ بھارت مخالف ریلیوں اور تحریک آزادی کے جلوسوں کو جبراً  دبایا جا سکے۔ مقبوضہ کشمیر کی کٹھ پتلی حکومت نے کے 10 اضلاع میں انٹرنیٹ سروس بھی معطل کردی ہے۔

واضح رہے کہ مقبوضہ کشمیر میں تحریک آزادی کے نوجوان کمانڈر برہان مظفر وانی کی شہادت کے بعد پوری وادی میں بھارت مخالف مظاہروں کا سلسلہ شروع ہوا تھا ۔

بھارتی فورسز نے برہان وانی کی نماز جنازہ میں شرکت کرنے والوں پر فائرنگ کر کے  55 افراد کو شہید اور 1500 سے زائد کو زخمی کردیا تھا۔