وزیراعظم کا آئندہ ہفتے سے عوامی رابطہ مہم شروع کرنے کا فیصلہ
ہر ہفتے دو عوامی جلسوں سے خطاب کریں گے ۔ وزیر اعظم کا پانامہ لیکس کا مقدمہ عوامی عدالت میں بھی لے جانے کا فیصلہ ۔ آئندہ ہفتے سے عوامی جلسوں کا پلان بنا لیا ۔ عوامی طاقت کا پہلا مظاہرہ کپتان کی حکومت والے صوبے خیبرپختونخوا سے کیا جائیگا
![وزیراعظم کا آئندہ ہفتے سے عوامی رابطہ مہم شروع کرنے کا فیصلہ](http://cdn.trt.net.tr/images/xlarge/rectangle/10-11/Files/UploadedImages/e6268d9a383e4fb0a3f8755950dd879c_Nawaz Sharif-Pakistan.jpg?time=1719135422)
وزیراعظم نوازشریف آئندہ ہفتے عوامی رابطہ مہم شروع کریں گے جب کہ اس دوران وہ عوامی اجتماعات سے خطاب اور ترقیاتی منصوبوں كے آغاز كابھی اعلان كریں گے۔
ہر ہفتے دو عوامی جلسوں سے خطاب کریں گے ۔ وزیر اعظم کا پانامہ لیکس کا مقدمہ عوامی عدالت میں بھی لے جانے کا فیصلہ ۔ آئندہ ہفتے سے عوامی جلسوں کا پلان بنا لیا ۔ عوامی طاقت کا پہلا مظاہرہ کپتان کی حکومت والے صوبے خیبرپختونخوا سے کیا جائیگا ۔ ترقیاتی منصوبوں کا اعلان بھی پلان کا حصہ ۔ ذرائع کے مطابق نواز شریف پہلا جلسہ عام آئندہ ہفتے مانسہرہ میں کریں گے ۔
ذرائع کے مطابق وزیراعظم نوازشریف خیبرپختونخوا كے بعد سندھ اوربلوچستان میں عوامی رابطہ مہم کے دوران اجتماعات سے خطاب كریں گے اور مختلف ترقیاتی منصوبوں كا دورہ كریں گے۔ ذرائع کا کہنا ہے کہ وزیراعظم آخر میں پنجاب میں جلسے اورترقیاتی منصوبوں كاجائزہ لیں گے جب كہ منصوبوں كے افتتاح اورسنگ بنیاد بھی ركھیں گے۔