کراچی آپریشن غیر سیاسی اور بلا امتیاز ہے : جنرل راحیل شریف

آرمی چیف جنرل راحیل شریف کا کہنا ہے کہ کراچی آپریشن غیر سیاسی اور بلا امتیاز ہے جو بلا تفریق جاری رہے گا جب کہ شہر کا امن دوبارہ خراب نہیں کرنے دیں گے۔
آرمی چیف نے کہا کہ آپریشن کے نتیجے میں کراچی کی سیکورٹی صورتحال میں نمایاں بہتری آئی ہے جو بے شمار قربانیوں کے نتیجے میں حاصل ہوئی ہے۔ اس صورتحال کو پھر سے خراب نہیں ہونے دیں گے۔ آرمی چیف جنرل راحیل شریف نے کہا کہ یہ آپریشن دہشتگردوں اور ان کی حمایت اور کی مالی مدد کرنے والوں کے خلاف ہے۔
آرمی چیف کا کہنا تھا کہ کراچی میں امن کی بحالی کے لیے بے پناہ قربانیاں دی ہیں، شہر میں کافی حد تک امن بحال کردیا ہے اور اب کراچی کا امن دوبارہ خراب نہیں کرنے دیں گے۔ انہوں نے کہا کہ فورسز کی کارروائیوں سے دہشت گردوں اور سہولت کاروں کا نیٹ ورک توڑا جاچکا ہے جب کہ اب شہر میں پائیدار امن کے لیے وفاق اور صوبائی حکومتوں میں بہتر تعاون کی ضرورت ہے۔ آرمی چیف نے اجلاس میں وفاقی اور صوبائی حکومتوں کے اور اداروں کے درمیان رابطے بڑھانے اور انہیں مزید مضبوط کرنے پر بھی زور دیا۔