شفاف طریقے سے انتخابات کا انعقاد الیکشن کمیشن کی ذمہ داری ہے

پاکستان کے چیف الیکشن کمشنر سردار رضا خان نے کہا ہے کہ صفاف شفاف انتخابات کرانا الیکشن کمیشن کی ذمہ داری ہے لہذا تمام سیاسی جماعتوں کو لڑنے کے لئے یکساں میدان فراہم کیا جائے گا۔
ذرائع کےمطابق سندھ کے پانچ اضلاع میں پولنگ کرانے یا نہ کرانے کے فیصلے کے سلسلے میں چیف الیکشن کمشنرسرداررضا خان کی سربراہی میں ایک اجلاس ہوا۔
اجلاس کے دوران چیف الیکشن کمشنر سردار رضا نے کہا کہ سندھ کی سیاسی جماعتوں نےانتخابی عملے کی جانبداری سے متعلق شکایات روانہ کی ہیں،جن کا سخت نوٹس لیا گیا ہے اور جانبدارانتخابی عملے کے خلاف سخت کارروائی کی جائے گی۔
واضح ر ہے کہ گزشتہ روز اجلاس میں سندھ اور پنجاب کے بلدیاتی انتخابات کے دوسرے مرحلے میں 11 ہزار 869 پولنگ اسٹیشن قائم کئے جائیں گے جن میں 960 کو انتہائی حساس اور 3 ہزار 112 پولنگ اسٹینشنز کو حساس قرار دیا گیا ہے۔