بلدیاتی انتخابات ہماری کامیاب پالیسیوں کے آئینہ دار ہیں

پاکستانی وزیر اعظم نواز شریف کا کہنا ہے کہ حالیہ بلدیاتی انتخابات میں ان کی سیاسی جماعت کی کامیابی عوام کی حکومتی پالیسیوں پراعتماد کا واضح اظہار ہے۔
اسلام آباد میں منعقدہ پاکستان انویسٹمنٹ کانفرنس سے خطاب کرتے ہوئے وزیر اعظم نواز شریف نے کہاکہ دہشت گردی کا خاتمہ،معیشت کی بحالی ، توانائی ،تعلیم اور صحت کی سہولیات کی فراہمی حکومت کی بنیادی ترجیحات میں شامل ہیں۔
انہوں نے بتایا کہ ان اہداف کے حصول کے لیے ہم نے ڈٹ کر اور دلجمعی سے کام کیا ہے۔یہی وجہ ہے کہ مندرجہ بالا اہداف میں سے بعض تک رسائی ہو چکی ہے تو باقی ماندہ کے حصول کے لیے ہم سرگرداں ہیں۔ حکومت این ایل جی سے بجلی پیدا کرنے والے 3 بڑے پاور پلانٹ تعمیر کررہی ہے،علاوہ ازیں متعدد ہائیڈرو منصوبوں پر بھی کام جاری ہے انشااللہ 2017 تک ملک سے لوڈشیڈنگ کا خاتمہ کر دیا جائیگا۔
وزیر اعظم کا کہنا تھاکہ حکومت معاشی بحالی کی پالیسی پرگامزن ہے جسے بین الاقوامی سطح پر بھی پذیرائی حاصل ہے۔ہم نہ صرف توانائی بحران کے خاتمے پر ہی نہیں بلکہ آئندہ کے بیس سالوں کے لائحہ عمل پر کام کر رہے ہیں۔ اس حوالے سے روس کے ساتھ گیس پائپ لائن کے منصوبے کا معائدہ طے پا چکا ہے،حکومتی اخراجات میں نمایاں حد تک کمی لائی گئی ہے۔اور نتیجہ آپ کے سامنے ہے "بلدیاتی انتخابات میں عوام نے حکومتی پالیسی پر اعتماد کا اظہار کیا ہے۔