انتخابی دھاندلی کیس میں فریقین کےدلائل مکمل، کمیشن کافیصلہ محفوظ

عام انتخابات دو ہزار تیرہ میں مبینہ دھاندلی کی تحقیقات کرنے والے انکوائری کمیشن نے سیاسی جماعتوں کے وکلاء کے دلائل مکمل ہونے پر رائے محفوظ کر لی ہے۔
چیف جسٹس ناصر الملک کی سربراہی میں 3 رکنی انکوائری کمیشن نے 2013 کے عام انتخابات میں مبینہ دھاندلی کی تحقیقات کے لئے کیس کی سماعت کی۔ اس موقع پر فریقین کی جانب سے دلائل مکمل ہونے کے بعد عدالت نے انتخابات میں دھاندلی ثابت ہونے یا نہ ہونے سے متعلق کیس کا فیصلہ محفوظ کرلیا
انکوائری کمیشن کمیشن کے 86 روز میں 39 اجلاس ہوئے اور اس دوران تمام سیاسی جماعتوں کے 69 گواہوں نے بیانات ریکارڈ کروائے ہیں۔
اس سے قبل دلائل دیتے ہوئے الیکشن کمیشن کے وکیل سلمان اکرم راجا نے کہا کہ دنیا بھر میں انتخابات کے دروان تکنیکی غلطیاں ہوتی ہیں اور یہ کبھی بھی غلطیوں سے پاک نہیں ہوتے لیکن تحریک انصاف کی طرف سے 12 درخواستیں آئیں مگر کچھ ثابت نہ ہوسکا۔
الیکشن کمیشن کے وکیل ایڈووکیٹ سلمان اکرم راجا نے دلائل دیتے ہوئے کہا کہ دنیا بھر میں انتخابات میں تکنیکی غلطیاں ہوتی ہیں اور انتخابات کبھی بھی غلطیوں سے پاک نہیں ہوتے لیکن تحریک انصاف کی طرف سے 12 درخواستیں آئیں لیکن کچھ ثابت نہ ہوسکا جب کہ اردو بازار سے اضافی 200 افراد کا معاملہ بھی اٹھایا گیا جس سے کچھ ثابت نہیں ہوا اور الیکشن کمیشن کے پاس بھی کوئی ایسا ثبوت نہیں آیا جس سے ثابت ہوتا کہ انتخابات میں منظم دھاندلی ہوئی اس لئے یہ کہنا غلط ہوگا کہ انتخابات کے دن کسی کا مینڈیٹ چرایا گیا ہے۔