آپریشن ضرب عضب فیصلہ کن مرحلے میں

مسلح افواج کے سربراہ جنرل راحیل شریف نے کوئٹہ کے کمانڈ اینڈ اسٹاف کالج کے دورے کے موقع پر کمانڈ اسٹاف سے خطاب کرتے ہوئے کہا ہے کہ صرف محفوظ پاکستان ہی خوشحال پاکستان ثابت ہوسکتا ہے ۔ دہشت گردی کے خلاف جنگ صرف ہمارے آج کیلئے نہیں بلکہ پاکستان کی آنے والی نسلوں کو بچانے کیلئے ہے ۔ جنگ صرف فوج نہیں لڑتی بلکہ یہ پوری قوم کی کوششوں کا نتیجہ ہوا کرتی ہے ۔ دہشت گردوں کے خلاف آپریشن ضرب عضب کامیابی سے جاری ہے ۔ ان کامیابیوں ہی کی بدولت شہروں میں بھی دہشت گردوں کے خلاف جنگ کا ماحول پیدا ہوا۔ آرمی چیف نے کہا کہ دہشت گردی کے خلاف جاری آپریشن ضرب عضب کی کامیابی کی بدولت یہ جنگ اب فیصلہ کن مرحلے میں ہے ۔