اچھے برے طالبان کے خلاف نتیجہ خیز اقدام

افغانستان میں ایساف کمانڈر جنرل جان کیمبل نے کہاہےکہ پاک فوج نے حقیقت میں اچھے برے طالبان کی تمیز کیے بغیر دہشت گردوں کے خلاف نتیجہ خیز اقدام کیے ہیں۔
امریکی اور نیٹو فورسز کے کمانڈر جنرل جان کیمبل نے کابل میں بیان دیتے ہوئےکہا کہ پشاور کے اسکول پر حملے کے بعد پاک فوج نے حقیقی معنوں میں اچھے برے طالبان میں کوئی تمیز نہ کرنے کےاپنے بیان کو سچ کر دکھایا ہے ۔ انھوں نے کہا کہ افغانستان میں استحکام کے حوالے سے پاکستان کا کردار حساس ہے۔ دہشت گردی اور انتہا پسندی دونوں ممالک کیلیے یکساں ہیں۔پاکستان کو بھی افغانستان کی طرح دہشت گردی اور انتہا پسندی کا سامنا ہے۔ انھوں نے کہا کہ پاک افغان عسکری قیادت کے درمیان حالیہ روابط سے بھی دونوں ممالک میں تعلقات کی نئی راہیں ہموار ہوئی ہیں جوخوش آئند ہے۔