دھرنا سیاست  ملک کیلیے نقصان دہ ہے: شہباز شریف

پنجاب کے وزیر اعلیٰ شہباز شریف نے اسلام آباد میں پارٹی وفد سے ملاقات کے دوران کہا ہے کہ دھرنا سیاست سے ملک و قو م کو بے پناہ نقصان ہوا ہے ۔ہم محنت سے ضائع ہونے والے قیمتی وقت کا ازالہ کرینگے۔دھرنا سیاست سے سرمایہ کاری کے فروغ میں رخنہ ڈالا گیا ہے ۔ مسلم لیگ ن کی حکومت وزیر اعظم نواز شریف کی قیادت میں ملک کو مسائل سے نکالنے کے لئے کوشاں ہے ۔ دہشت گردی اورتوانائی بحران کے خاتمے کے لئے ترجیحی بنیادوں پر اقدامات کئے جا رہے ہیں ۔ شہباز شریف نے کہا کہ چنیوٹ میں خام لوہے اور تابنے کے معدنی ذخائر پاکستان کے اٹھارہ کروڑ عوام کی ملکیت ہیں ۔ حکومت قیمتی معدنی ذخائر سے استفادہ کر کے ملک و قوم کی تقدیر بدل دے گی ۔