وزیر اعلیٰ سندھ نے ایم کیو ایم کے وزراء کے استعفے منظور کرلیے

متحدہ قومی موومنٹ اور پیپلز پارٹی کے درمیان حالیہ کچھ عرصے سے جاری اختلافات کے بعد ایم کیو ایم نے حکومت سے علیحدگی کے لیے وزیراعلیٰ سندھ سید قائم علی شاہ نے کو اپنے استعفے پیش کردیے تھے جس کے بعد قائم علی شاہ نے ایم کیو ایم کے 2 مشیروں اور ایک معاون خصوصی کا استعفیٰ منظورکرلیا ہے۔
وزیر اعلیٰ ہاؤس کراچی کے ترجمان کی جانب سے جاری بیان کے مطابق وزیر اعلیٰ نے متحدہ قومی موومنٹ سے تعلق رکھنے والے مشیر فیصل سبزواری اور عادل صدیقی جبکہ معاون خصوصی عبدالحسیب خان کے استعفے منظور کرلئے ہیں۔ صوبائی وزرا صغیر احمد اور رؤف صدیقی کے استعفے گورنر سندھ کے پاس ہیں ان کی منظوری بھی وہی کریں گے۔
واضح رہے کہ ایم کیو ایم نے 18 اکتوبر اور عیدالاضحیٰ کے موقع پر بلاول بھٹو زرداری کی تنقید جبکہ خورشید شاہ کی جانب سے لفظ مہاجر سے متعلق بیان پر سندھ حکومت سے علیحدگی اختیار کرلی تھی۔