صدر مملکت ممنون حسین کی او آئی سی کے سیکرٹری جنرل سے ملاقات

 

صدر مملکت ممنون حسین نے او آئی سی کے سیکرٹری جنرل ایاد امین عبداللہ سے ایوان صدر میں ملاقات کے دوران کہا کہ پاکستان او آئی سی کا ایک بانی رکن ہے اور اس نے ہمیشہ مسلم امہ کے جائز مقاصد کے فروغ اور حمایت کے لئے کام کیا ہے۔ پاکستان مسلم امہ کو درپیش تمام عصری چیلنجوں سے نبرد آزما ہونے کے لئے او آئی سی کو نئی قوت دینے کے لئے اپنا تعمیری اور فعال کردار ادا کرتا رہے گا، امہ کے مفادات کا تحفظ اور رکن ممالک کے درمیان یکجہتی اور مشترکہ اقدار کے فروغ کے لئے او آئی سی کی طرف سے پائیدار اور مربوط کوششوں کی ضرورت ہے۔ ہم فلسطینی عوام کے خلاف اسرائیلی جارحیت کی مذمت میں بین الاقوامی برادری کے ساتھ ہیں۔