امریکی و برطانوی طیاروں نے یمن کے 5 مقامات پر حملہ کر دیا
امریکی سینٹرل کمان سینٹ کام کے مطابق، امریکی فوج نے یمن میں حوثیوں کے 14میزائلوں پر حملہ کیا گیا جب وہ میزائل فائر کے لیے تیار تھے
2090140
امریکہ اور برطانیہ نے یمن میں5 مقامات پر حملے کیے ہیں۔
امریکی اور برطانوی طیاروں نے یمن میں الحدیدہ، تعز، دھمار، البیضا اور سادا گورنریٹ کو نشانہ بنایا ہے۔
امریکی سینٹرل کمان سینٹ کام کے مطابق، امریکی فوج نے یمن میں حوثیوں کے 14میزائلوں پر حملہ کیا گیا جب وہ میزائل فائر کے لیے تیار تھے۔
امریکی سینٹرل کمان کا یہ بھی کہنا ہے کہ یہ حوثی میزائل بحیرۂ احمر میں تجارتی جہازوں کے لیے خطرہ تھے۔
دوسری جانب امریکہ نے حوثیوں کو دوبارہ عالمی دہشت گرد نامزد کرنے کا اعلان کر دیا ہے۔
امریکی امور خارجہ کے ترجمان میتھیو ملر کا کہنا ہے کہ امریکی وزیرِ خارجہ حوثیوں کو عالمی دہشت گرد نامزد کر چکے ہیں کیونکہ وہ امریکہ کی سلامتی کے لیے خطرہ ہیں۔
