اسرائیلی قوتوں نے جنین کیمپ میں 5 فلسطینیوں کو اصلی گولیوں سے زخمی کر دیا

اسرائیلی فوج نے مقبوضہ مغربی کنارے میں جینین پناہ گزین کیمپ پر چھاپہ مار کر 5 فلسطینیوں کو ڈراؤن  استعمال کرتے ہوئے زخمی کر دیا۔

اسرائیلی فوج کی جانب سے ایک تحریری بیان میں کہا گیا ہے کہ فوجی دستوں نے جنین پناہ گزین کیمپ میں ’آپریشن‘ کیا۔

اس  واقعے کی تفصیلات بیان میں شامل نہیں کی گئیں تو  فلسطینی محکمہ صحت کے ذرائع کا کہنا ہے کہ چھاپے کے دوران 5 فلسطینی اصلی  گولیوں سے زخمی ہوئے۔

عینی شاہدین کے مطابق چھاپے کے دوران فلسطینی مسلح گروپوں اور اسرائیلی فوجیوں کے درمیان جھڑپیں ہوئیں۔

واضح رہے کہ کئی سمتوں سے کیمپ پر چھاپہ مارنے والی اسرائیلی افواج نے علاقے سے انخلاء شروع کر دیا ہے۔

دوسری جانب مقبوضہ مغربی کنارے میں اسرائیلی فورسز نے  ایک خاتون سمیت 14 فلسطینیوں کو حراست میں لے لیا۔

فلسطینی قیدیوں کی تنظیم کی طرف سے جاری کردہ تحریری بیان میں کہا گیا ہے کہ حراست میں لیے گئے فلسطینیوں میں سابق قیدی  بھی شامل ہیں۔