سعودی عرب شام میں اپنی فوج بھیجنے کےلیے تیار ہے :عادل الجبیر

سعودی عرب نے شام میں فوج تعینات کرنے کی پیشکش کی ہے ۔

خبر کے مطابق سعودی عرب نے گزشتہ  روز ایک مرتبہ پھر کہا ہے کہ ریاض حکومت، امریکی قیادت میں شام میں استحکام کے لیے اپنے فوجی بھیجنے پر آمادہ ہے۔

سعودی وزیرخارجہ عادل الجبیر نے کہا کہ اس موضوع پر شامی تنازعے کے آغاز سے ہی امریکہ کے ساتھ بات چیت کی جا رہی ہے۔

ریاض میں اقوام متحدہ کے سیکریٹری جنرل انتونیو گوٹیرش کے ساتھ ایک مشترکہ پریس کانفرنس میں الجبیر کا کہنا تھا کہ اگر امریکہ  اپنے فوجی شام میں تعینات کرتا ہے تو سعودی عرب دیگر ممالک کے ساتھ مل کر اپنی فوج کی تعیناتی کے لیے تیار ہو گا۔