سعودی عرب پر حوثیوں کا حملہ ناکام،جازان اور الریاض شہر بال بال بچ گئے

سعودی عرب کے فضائی دفاعی نظام نے یمن سے حوثی باغیوں کےدارالحکومت الریاض پر داغے گئے بیلسٹک میزائل کو فضا ہی میں تباہ کردیا ہے۔

 سعودی فوج نے سرحدی شہر جازان کی جانب آنے والے ایک ڈرون کو بھی مار گرایا ہے۔

عرب اتحادی فوج  کے ترجمان کرنل ترکی المالکی  نے گزشتہ شام ایک بیان میں بتایا ہے کہسعودی فوج نے ابہا کے بین الاقوامی ہوائی اڈے کی جانب آنے والی ایک نا معلوم  چیز کا سراغ لگاتے ہوئے اسے مار گرایا ۔

 ترجمان کے  مطابق ،اتحادی فوج  کے ماہرین نے اس کے ملبے کے تجزیے کے بعد بتایا ہے کہ یہ ایرانی ساختہ خصوصیات کا حامل حوثیوں کا طیارہ تھا اور یہ ابہا کے ہوائی اڈے کو نشانہ بنانے کی کوشش کررہا تھا حالانکہ اس کو بین الاقوامی قانون کے تحت تحفظ حاصل ہے۔