اسرائیلی فوج کی طرف سے حماس کی سرنگ پر بمباری

اسرائیلی فوج کی طرف سے غزہ اور مصر کے درمیان حماس سے متعلق ایک سرنگ پر بمباری ۔

اسرائیلی روزنامے یڈیوٹ آہرونوٹ کی اسرائیلی فوج کے حوالے سے شائع کردہ خبر کے مطابق اسرائیلی فضائیہ  کے طیاروں نے  غزہ اور مصر  کے درمیان سرحدی علاقے میں حماس کی سرنگ پر بمباری کی۔

خبر میں غزہ  کے اندر اور باہر ہونے والے واقعات کا ذمہ دار حماس کو ٹھہرایا گیا ہے۔

اس دوران فلسطین کے پولیس ذرائع سے موصول معلومات کے مطابق اسرائیلی فضائیہ نے غزہ کے جنوبی شہر رفاح میں زرعی اراضی کو نشانہ بنایا ہے۔

ذرائع کے مطابق حملے میں کوئی ہلاک یا زخمی نہیں ہوا۔