امریکی صدر نے شاہ سلمان کو قطر بحران کا سفارتی حل تلاش کرنے کا کہا ہے
ٹرمپ اور شاہ سلمان کے درمیان ہونے والی ٹیلی فونک بات چیت میں امریکی صدر نے زور دیتے ہوئے کہا ہے کہ امریکہ خطے میں امن کا خواہاں ہے
امریکی صدر ڈونلڈ ٹرمپ نے سعودی فرمانروا شاہ سلمان سے ٹیلی فون پر رابطہ قائم کیا ہے جس دوران انہوں نے کہا ہے کہ قطر کے تنازعہ کے تمام فریق مسئلے کا سفارتی حل تلاش کریں جس نے کئی خلیجی ممالک کو مشکلات میں ڈال رکھا ہے۔
وائٹ ہاوس نے اس حوالے سے ایک تحریری اعلان جاری کرتے ہوئے کہا ہے ٹرمپ اور شاہ سلمان کے درمیان ہونے والی ٹیلی فونک بات چیت میں امریکی صدر نے زور دیتے ہوئے کہا ہے کہ امریکہ خطے میں امن کا خواہاں ہے۔
باور رہے کہ سعودی عرب، بحرین، متحدہ عرب امارات اور مصر نے جون میں یہ کہتے ہوئے قطر کے ساتھ سیاسی اور تجارتی تعلقات منقطع کر دیے تھے کہ قطراسلامی عسکریت پسندوں اور ایران کی حمایت کرتا ہے۔
اس بات چیت میں شاہ سلمان نے ہاروی طوفان میں ہلاکتیں ہونے پر صدر ٹرمپ سے اظہار تعزیت کیا ہے اور متاثرہ علاقوں میں مؤثر امدادی امور کو سراہا گیا ہے۔
متعللقہ خبریں
حزب اللہ کے "اسرائیلی زمینوں اور شہریوں پر حملوں" کو ہر گز قبول نہیں کیا جا سکتا
"آزاد دنیا کو غیر مشروط طور پر اسرائیل کے ساتھ کھڑا ہونا چاہیے"، کاٹز