زخمی فلسطینی کو جان بوجھ کر گولی مارنے والے اسرائیلی فوجی کو سزا
یہ فیصلہ تل ابیب میں اسرائیلی فوجی عدالت کی طرف سے سنایا گیا۔ مجرم فوجی کے لیے سزا کا اعلان ایک مہینے کے اندر اندر کیا جائے گا
ایک زخمی فلسطینی کو جان بوجھ کر سر میں گولی مارنے والے اسرائیلی فوجی ایلور اساریہ کو مجرم قرار دے دیا گیا ہے۔
اساریہ نے دو میٹر دو ر سے ال شریف کو گولی مار کر ہلاک کردیا تھا۔
اسرائیلی فوجی کی فائرنگ کی جھلکییوں کو عدالیہ میں چبوت کے طور پر پیش کیا گیا ۔
یہ فیصلہ تل ابیب میں اسرائیلی فوجی عدالت کی طرف سے سنایا گیا۔ مجرم فوجی کے لیے سزا کا اعلان ایک مہینے کے اندر اندر کیا جائے گا۔
مجرم کو بیس سال تک قید کی سزا بھی سنائی جا سکتی ہے۔ تل ابیب میں اس موقع پر سینکڑوں افراد نے اساریہ کے حق میں ایک احتجاجی مظاہرہ کرتے ہوئے اس کی رہائی کا مطالبہ بھی کیا۔
گزشتہ برس مارچ میں ایک حملہ آور فلسطینی زخمی حالت میں تھا کہ اس فوجی نے اس کے سر میں گولی مار دی تھی اور یہ واقعہ انسانی حقوق کے لیے کام کرنے والے ایک کارکن نے کیمرے کی آنکھ سے محفوظ کر لیا تھا۔ اس کے بعد اسرائیل پر شدید تنقید کا سلسلہ شروع ہو گیا تھا۔
