اسرائیلیوں نے فلسطینی کے گھر کو جلا ڈالا

دریائے اردن کے مغربی کنارے پر گذشتہ ماہِ جولائی میں فلسطینی دیوابیشے کنبے کو ہدف بنانے والے حملے کے اہم ترین شاہد کے گھر کو نامعلوم افراد نے لوٹ مار کا نشانہ بنایا۔

اسرائیلی پولیس کی طرف سے جاری کردہ تحریری بیان میں کہا گیا ہے کہ دریائے اردن کے شہر نابلوس کے قریب دُوما کے علاقے میں ایک فلسطینی کاگھر جلنے کے بارے میں خبر موصول ہوئی ہے۔

تاہم سعد دیوابیشے کہ جس کے گھر کو یہودی آباد کاروں نے نذرِ آتش کر دیا تھا، اس کے بھائی ناصر دیوا بیشے نے اناطولیہ خبر رساں ایجنسی کے لئے اپنے بیان میں کہا ہے کہ "یہودی آبادکاروں نے میرے بھائی کے گھر پر حملے کے واحد عینی شاہد ابراہیم دیوابیشے کے گھر کو نذرِ آتش کر دیا ہے"۔

واضح رہے کہ 31 جولائی کو دریائے اردن کے مغربی کنارے کے شہر نابلوس کے جوار میں فلسطینیوں کے ایک کنبے کے گھر کو یہودی آبادکاروں کی طرف سے لوٹ مار کا نشانہ بنایا گیا جس کے نتیجے میں کنبے کا 18 ماہ کا بچہ علی دیوابیشے جل کر ہلاک ہو گیا تھا۔

ماں باپ اور 4 سالہ دوسرا بچہ شدید زخمی ہوئے ، 31 سالہ باپ سعد اور 28 سالہ ماں ریحام دیوابیشے ہسپتال میں زخموں کی تاب نہ لاتے ہوئے دم توڑ گئے تھے۔