مصر: رفاح کی سرحد تین روز کےلیے کھولنے کا فیصلہ

مصر نے غزہ سے ملحقہ رفاح کی سرحدی چوکی کو آج سے تین روز کےلیے کھولنے کا فیصلہ کیا ہے۔
قاہرہ میں متعین فلسطینی سفارت خانے کے مطابق ، حکومتِ مصر نے آج صبح سے رفاح کی سرحدی چوکی کھولنےکافیصلہ کیا گیا ہے تاکہ جھڑپوں میں زخمی ہونے والے فلسطینی مصر میں داخل ہو سکیں ۔
بیان میں بتایا گیا ہےکہ فلسطینی زخمیوں کو ایمبولینسوں کے ذریعے وادی سینا کے علاقوں ال عریش اور رفاح کے اسپتالوں میں جبکہ شدید زخمی ہونے والے افراد کو قاہرہ منتقل کیا جائے گا۔
یہ بھی بتایا گیا ہےکہ مصری وزارت صحت نے پندرہ ڈاکٹروں کو سرحدی چوکی روانہ کیا ہے جو کہ ان فلسطینی زخمیوں کی دیکھ بھال پر مامور ہونگے۔