متحدہ عرب امارات نے عراق سے اپنا سفیر بلا لیا

متحدہ وعرب امارات نے عراق سے اپنا سفیر واپس بلا لیا ہے۔
امارات کے محکمہ خارجہ کے مطابق، بغداد میں متعین سفیر عبداللہ ابراہیم الشحی کو عراق کی صورت حال کے پیشِ نظر مشاورت کےلیے واپس بلا یا گیا ہے۔
بیان میں واضح کیا گیا ہےکہ ان کا ملک عراق کے تمام طبقوں کا احترام کرتا ہے اور ہم عراقی حکومت سے مطالبہ کرتے ہیں کہ وہ ایک قومی اتحاد پر مبنی حکومت کا قیام ممکن بنائے جس کے نتیجے میں ملک کو فرقہ واریت کے اس ماحول سے نجات ملنے میں مدد ملے گی ۔
علاوہ ازیں، بیان میں عراق میں سرگرمِ عمل دہشت گرد گروہوں کی کاروائیوں کی بھی شدید مذمت کی گئی ۔