" عالمی وبا"اموات کی تعداد 5 لاکھ 19 ہزار سے زیادہ،1 کروڑ 8 لاکھ متاثر

دنیا بھر میں کورونا وائرس کی موذی وباء نے مسلسل اپنے پنجے گاڑ رکھے ہیں، جس سے ناصرف مریضوں میں بلکہ اس سے اموات میں بھی ہر روز اضافہ ہو رہا ہے۔

دنیا بھر میں ایک ہی دن میں کورونا متاثرین کا نیا ریکارڈ اس وقت قائم ہو گیا جب 1 لاکھ 96 ہزار 901 نئے کورونا مریض سامنے آ گئے۔

گزشتہ 24 گھنٹوں میں امریکہ میں 51 ہزار اور برازیل میں 44 ہزار سے زائد نئے مریض سامنے آئے ہیں۔

دنیا بھر میں کورونا وائرس سے متاثرہ افراد کی تعداد 1 کروڑ 8 لاکھ 10 ہزار تک جا پہنچی ہے جبکہ اس سے ہلاکتیں 5 لاکھ 19 ہزار سے تجاوز ہو گئیں۔

کورونا وائرس کے دنیا بھر میں 42 لاکھ 57 ہزار 841 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 57 ہزار 959 کی حالت تشویش ناک ہے جبکہ 60 لاکھ 32ہزار سے زیادہ مریض صحت یاب ہو چکے ہیں۔

امریکہ تاحال کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔

امریکہ میں کورونا وائرس سے اب تک 1 لاکھ 30 ہزار 798 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 27 لاکھ 79 ہزار 953 ہو چکی ہے۔

کورونا وائرس کے امریکہ میں 14 لاکھ 84 ہزار 475 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 15 ہزار 898 کی حالت تشویش ناک ہے جبکہ 11 لاکھ 64 ہزار 680 کورونا مریض اب تک شفایاب ہو چکے ہیں۔

کورونا وائرس کے مریضوں کی تعداد کے حوالے سے ممالک کی فہرست میں برازیل دوسرے نمبر پر ہے جہاں کورونا کے مریضوں کی تعداد 14 لاکھ 53 ہزار 369 تک جا پہنچی ہے جبکہ یہ وائرس 60 ہزار 713 زندگیاں نگل چکا ہے۔

کورونا وائرس سے روس میں کل اموات 9 ہزار 536 ہو گئیں جبکہ اس کے مریضوں کی تعداد 6 لاکھ 54 ہزار 405 ہو چکی ہے۔

بھارت کورونا وائرس کے مریضوں کی تعداد میں تیزی سے اضافےکے ساتھ اس فہرست میں چوتھے نمبر پر ہے، جہا ںکورونا سے 17 ہزار 848 ہلاکتیں ہو چکی ہیں جبکہ اس سے متاثرہ مریضوں کی تعداد 6 لاکھ 5 ہزار 220 ہو گئی۔

برطانیہ میں کورونا سے اموات کی تعداد 43 ہزار 906 ہوگئی جبکہ کورونا کے کیسز کی تعداد 3 لاکھ 13 ہزار 483 ہو چکی ہے۔

اسپین میں کورونا کے اب تک 2 لاکھ 96 ہزار 739 مصدقہ متاثرین سامنے آئے ہیں جب کہ اس وباء سے اموات 28 ہزار 363 ہو گئیں۔

پیرو میں کورونا وائرس کے باعث 9 ہزار 860 ہلاکتیں اب تک ہو چکی ہیں جبکہ یہاں کورونا واقعات2 لاکھ 88 ہزار 477 رپورٹ ہوئے ہیں۔

چلی میں کورونا وائرس سے جاں بحق ہونے والوں کی تعداد 5 ہزار 753 ہو گئی جبکہ کورونا کے کُل مریض 2 لاکھ 82 ہزار 43 ہو گئے۔

اٹلی میں کورونا وائرس کی وباء سے مجموعی اموات 34 ہزار 788 ہو چکی ہیں، جہاں اس وائرس کے اب تک کل واقعات 2 لاکھ 40 ہزار 760 رپورٹ ہوئے ہیں۔میکسیکو میں کورونا وائرس سے کُل اموات کی تعداد 28 ہزار 510 ہو گئی جبکہ کورونا کے مریضوں 2 لاکھ 31 ہزار 770 ہو گئے۔ایران میں کورونا وائرس سے مرنے والوں کی کل تعداد 10 ہزار 958 ہو گئی جبکہ کورونا کے کل واقعات 2 لاکھ 30 ہزار 211 ہو گئے۔سعودی عرب میں کورونا وائرس سے اب تک کل اموات 1 ہزار 698 رپورٹ ہوئی ہیں جبکہ وہاں اس کے مریضوں کی تعداد 1 لاکھ 94 ہزار 225 تک جا پہنچی ہے۔چین جہاں دنیا میں کورونا کا پہلا کیس سامنے آیا تھا وہاں کورونا وائرس پر کافی حد تک قابو پایا جا چکا ہے اور روزانہ صرف چند نئے کورونا مریض سامنے آتے ہیں جبکہ اس سے اموات میں کافی عرصے سے کوئی اضافہ سامنے نہیں آیا ہے۔چین میں کورونا مریضوں کی تعداد 83 ہزار 537 ہو چکی ہے اور اس سے ہونے والی اموات کی تعداد 4 ہزار 634 پر رکی ہوئی ہے۔