سعودی فرماں روا ماسکو پہنچ گئے؛اہم معاہدوں پر دستخط کا امکان
سعودی وزیر خارجہ عادل الجبیر کا کہنا ہے کہ سعودی عرب روس سے تعلقات کو انتہائی اہمیت دیتا ہے دونوں ممالک خودمختاری کے اصولوں ،دوستانہ روابط کے فروغ چاہتے ہیں اور داخلی امور میں کسی قسم کی مداخلت نہ کرنے کی پالیسی پر کاربند ہیں
سعودی عرب کے بادشاہ روسی صدر ولادیمیر پوٹین کی دعوت پر دورہ کررہے ہیں ۔
اس دورے میں دونوں رہنماوں کے درمیان ملاقات کا ایجنڈہ دوطرفہ دفاعی تعلقات کے فروغ کے ہمراہ سرفہرست ہے۔
سعودی وزیر خارجہ عادل الجبیر کا کہنا ہے کہ سعودی عرب روس سے تعلقات کو انتہائی اہمیت دیتا ہے دونوں ممالک خودمختاری کے اصولوں ،دوستانہ روابط کے فروغ چاہتے ہیں اور داخلی امور میں کسی قسم کی مداخلت نہ کرنے کی پالیسی پر کاربند ہیں۔
انہوں نے کہا کہ سعودی شاہ کے دورہ ماسکو کا مقصد شدت پسندی کی روک تھام اور دہشت گردی کی تمام شکلوں سے نمٹنے کے چیلنجز کے ساتھ ساتھ خطے میں امن و امان کی صورتحال کو بہتر بنانے کےلیے مشترکہ حکمت وضع کرنا ہے۔
سعودی شاہ کے دورے کے موقع پردو طرفہ تجارت ،توانائی ،زراعت ، اقتصادی اور صنعتی شعبے میں دو طرفہ تعاون بڑھانے سمیت مختلف امور پر تبادلہ خیال کیا جائے گا ۔
دونوں ممالک کے درمیان 10بڑے سمجھوتوں طے پانے کا امکان ہے جس سے باہمی تعلقات کو مزید مستحکم کرنے کا موقع ملے گا۔
متعللقہ خبریں
امریکہ، شدید گرمی سے ایری زونا میں6 افراد لقمہ اجل
آنے والے دنوں میں بارش کا امکان ہے۔ جس سے درجہ حرارت43 ڈگری تک گر سکتا ہے
