دہشت گردی کی جنگ میں امریکہ ترکی کے ساتھ ہے: اوباما
امریکی صدر اوباما نے صدر رجب طیب ایردوان کے ساتھ ٹیلی فون پر گفتگو کی اور داعش کے خلاف جنگ میں امریکہ کے عزم کا اعادہ کرتےہوئے ترکی کو بھرپور تعاون کا یقین دلایا ہے
![دہشت گردی کی جنگ میں امریکہ ترکی کے ساتھ ہے: اوباما](http://cdn.trt.net.tr/images/xlarge/rectangle/d853/5180/73be/5774a16a62bcd.jpg?time=1719102652)
![joe biden.jpg](http://cdn.trt.net.tr/images/xlarge/rectangle/cb9c/f785/1d63/5774a191d32cf.jpg?time=1719102652)
صدر براک اوباما نے کہا ہے کہ امریکہ استنبول ہوائی اڈے پر خودکش بم دھماکوں کے بعد ترک عوام کے ساتھ کھڑا ہے۔
امریکی صدر نے گزشتہ روز کینیڈا کے دورے سے قبل صحافیوں سے بات چیت کے دوران اس بات کا اظہار کیا ۔
انھوں نے قبل ازیں ترک صدر رجب طیب ایردوان کے ساتھ ٹیلی فون پر گفتگو کی اور داعش کے خلاف جنگ میں امریکہ کے عزم کا اعادہ کیا ہے اور امریکی عوام کی جانب سے دہشت گردی کے اس حملے میں انسانی جانوں کے ضیاع پر گہرے دکھ اور افسوس کا اظہار کیا ہے۔
صدر اوباما نے استنبول میں بم دھماکوں کے بعد ترکی کو امریکہ کی جانب سے سلامتی پر مبنی تعاون کی پیش کش بھی کی ہے۔
وائٹ ہاؤس کے ترجمان جوش ارنسٹ نے امریکی صدر کے ساتھ موجود صحافیوں کو بتایا کہ ٹیلی فون بات چیت کے تناظرمیں صدر اوباما ایسی کسی بھی امداد کی پیش کش کریں گے جس سے تر ک حکام کو واقعے کی تحقیقات اور ملک میں سلامتی کی صورت حال کو بہتر بنانے میں مدد مل سکے۔
متعللقہ خبریں
![امریکہ، شدید گرمی سے ایری زونا میں6 افراد لقمہ اجل](http://cdn.trt.net.tr/images/medium/rectangle/058b/8927/e4a0/66767f465b7f3.jpg?time=1719102653)
امریکہ، شدید گرمی سے ایری زونا میں6 افراد لقمہ اجل
آنے والے دنوں میں بارش کا امکان ہے۔ جس سے درجہ حرارت43 ڈگری تک گر سکتا ہے