جان کیری شام میں امن کے قیام کے لیے کوشاں
وزیرخارجہ جان کیری نے کہا ہے کہ شام میں قیام امن کے لیے ملک بھرمیں جنگ بندی کا نفاذ ضروری ہے۔ کیری نے جنیوا میں اس مقصد کی خاطر اردن، سعودی عرب اور اقوام متحدہ کے سفارتکاروں سے مذاکرات کے بعد کہا کہ شامی خانہ جنگی کے خاتمے کے لیے مشترکہ حکمت عملی ناگزیرہے
![جان کیری شام میں امن کے قیام کے لیے کوشاں](http://cdn.trt.net.tr/images/xlarge/rectangle/dd22/f5d1/f5d8/56f3a7022d622.jpg?time=1719078208)
متحدہ امریکہ کے وزیر خارجہ جان کیری سوئٹزرلینڈ کے شہر جینوا جہاں شام سے متعلق مذاکرات ککا سلسلہ جاری ہے میں مختلف رہنماؤں سے ملاقات کی ہے۔
وزیر خارجہ جان کیری نے کہا ہے کہ شام میں قیام امن کے لیے ملک بھر میں جنگ بندی کا نفاذ ضروری ہے۔ کیری نے جنیوا میں اس مقصد کی خاطر اردن، سعودی عرب اور اقوام متحدہ کے سفارتکاروں سے مذاکرات کے بعد کہا کہ شامی خانہ جنگی کے خاتمے کے لیے مشترکہ حکمت عملی ناگزیر ہے۔
ادھر روسی وزیر خارجہ سیرگئی لاوروف نے کہا ہے کہ حلب میں بھی جنگ بندی وقفے کی کوشش کی جا رہی ہے۔
گزشتہ روز دمشق حکومت نے دمشق اور اس کے گرد و نواح میں عارضی فائر بندی کی ڈیل میں توسیع کا اعلان کر دیا تھا۔
امریکہ کے وزیر خارجہ جان کیری امریکہ اور روس کی سرپرستی میں شام میں جنگ بندی کو بحال کرنے کے سلسلے میں اتوار کو جنیوا پہنچےتھے۔
امریکہ کے حکام کا کہنا ہے کہ کیری کی سب سے بڑی ترجیح حلب میں تشدد کا خاتمہ ہے اور پورے شام کو دیرپا جنگ بندی کی طرف واپس لوٹانا ہے جس سے امن کا عمل بحال ہو سکے۔
کیری نے جنیوا پہنچنے کے بعد اردن کے وزیر خارجہ ناصر جودہ سے ملاقات سے قبل صحافیوں سے گفتگو میں کہا کہ ’’یہ اہم وقت ہے۔ ہم روس کے تعاون کی توقع کرتے ہیں اور ہم یقیناً اس بات کی توقع کرتے ہیں کہ (شامی) حکومت روس کی بات سنے گی اور اس پر عمل کرے گی۔
متعللقہ خبریں
![امریکہ، شدید گرمی سے ایری زونا میں6 افراد لقمہ اجل](http://cdn.trt.net.tr/images/medium/rectangle/058b/8927/e4a0/66767f465b7f3.jpg?time=1719078209)
امریکہ، شدید گرمی سے ایری زونا میں6 افراد لقمہ اجل
آنے والے دنوں میں بارش کا امکان ہے۔ جس سے درجہ حرارت43 ڈگری تک گر سکتا ہے