آج دنیا بھر میں ایسٹرکاتہوارمذہبی جوش و خروش سےمنایا جا رہا ہے

آج دنیا بھر میں مسیحی برادری اتوار کو ایسٹرکا تہوار جوش و جذبے سے منا رہی ہے۔
اس سلسلے میں دنیا کے مختلف ممالک میں جہاں جہاں عیسائی آباد ہپیں ایسٹر کی تقریبات کا اہتمام کیا گیا ہے۔
کیتھولک مسیحیوں کے روحانی پیشوا پوپ فرانسس نے ویٹیکن میں ہفتہ کی شب ایسٹر کی خصوصی تقریب کی قیادت کی، اس بار یہ تہوار ایک ایسے موقع پر منایا جارہا ہے جب دنیا کے مختلف ملکوں میں مسیحیوں کی ہلاکتوں کے تازہ واقعات رونما ہوئے ہیں۔
پوپ کا کہنا تھا کہ ایسٹر کی تعلیمات پیروکاروں سے تقاضا کرتی ہیں کہ وہ اپنے عقیدے پر رہتے ہوئے اپنے ہونے کے مقصد تلاش کریں۔
اس موقع پر اٹلی، پرتگال، البانیہ، کینیا اور کمبوڈیا سے تعلق رکھنے والے دس افراد کو باقاعدہ طور پر مسیحی مذہب میں شامل بھی کیا گیا۔
پوپ نے مشرق وسطیٰ میں مسیحیوں پر بڑھتے ہوئے حملوں کو باعث تشویش قرار دیتے ہوئے کہا کہ اس وجہ سے یہ لوگ اپنے ان علاقوں کو چھوڑ رہے ہیں جہاں یہ یسوع مسیح کے وقت سے آباد ہیں۔