او ایس سی ای اور منسک گروپ کی طرف سے فوری حفاظتی تدبیر کی اپیل
او ایس سی ای کے ٹرم چئیر مین اور او ایس سی ای منسک گروپ نے آرمینیا اور آذربائیجان کی فرنٹ لائن پر ہونے والی جھڑپوں پر تشویش کا اظہار کیا ہے
او ایس سی ای کے ٹرم چئیر مین اور او ایس سی ای منسک گروپ نے آرمینیا اور آذربائیجان کی فرنٹ لائن پر ہونے والی جھڑپوں پر تشویش کا اظہار کیا ہے۔
او ایس سی ای کی طرف سے جاری کردہ اعلامیے کے مطابق ، اورگنائزیشن کے ٹرم چئیر مین ڈیڈئیر بُخالٹراور ' او ایس سی ای منسک گروپ 'کے نائب چئیر مینوں یعنی روس کے سفیر ایگور پوپوو،امریکی سفیر جیمز وارلک اور فرانس کے سفیر پئیر اینڈریو نے آرمینا۔آذربائیجان سرحد پر کشیدگی میں اضافے، جھڑپوں میں ہونے والی ہلاکتوں اور علاقے میں بین الاقوامی ریڈ کراس کی گاڑیوں پر حملوں پر گہری تشویش کا اظہار کیاہے۔
اعلامیے کے مطابق او ایس سی ای اور منسک گروپ نے آرمینیا اور آذربائیجان کے صدور سے علاقے میں کشیدگی کو فوری طور پر کم کرنے کے لئے حفاظتی تدابیر اختیار کرنے اور فائر بندی کے سمجھوتوں کا احترام کرنے کا مطالبہ کیا ہے۔
اعلامیے میں کہا گیا ہے کہ فریقین کے درمیان مزید شدت، پائیدار امن کے قیام کے لئے کی جانے والی کوششوں کو دشوار بنا دے گی۔
اس کے علاوہ مسئلے کے حل کے لئے فریقین سے مذاکرات کے دوبارہ آغاز کی بھی اپیل کی گئی ہے۔
متعللقہ خبریں
![امریکہ، شدید گرمی سے ایری زونا میں6 افراد لقمہ اجل](http://cdn.trt.net.tr/images/medium/rectangle/058b/8927/e4a0/66767f465b7f3.jpg?time=1719060914)
امریکہ، شدید گرمی سے ایری زونا میں6 افراد لقمہ اجل
آنے والے دنوں میں بارش کا امکان ہے۔ جس سے درجہ حرارت43 ڈگری تک گر سکتا ہے