“Türkiýe gämi senagatynda ýakyndan tanalýan ýurt ýagdaýyna geldi”

Türkiýäniň ýerli mümkinçilikler bilen öndüren ilkinji milli razwetka gämisi Ufuk korweti ulanylmaga berildi

Prezident R. T. Erdogan Stambulda Tuzla gämi gurluşyk werfiniň synag we tälim merkezinde Ufuk (A-591) gämisiniň ulanylmaga berilmegi mynasibetli geçirlen dabarada eden çykyşynda, türk gämi senagatynyň soňky 16 ýylda uly öňe gidişlik edendigini nygtady.

Erdogan “Türkiýe gämi senagatynda ýakyndan tanalýan ýurt ýagdaýyna geldi” diýdi.

Erdogan soňky 3 ýylda DAIŞ-iň we PKK-nyň başda durmagynda, raýatlarynyň janyna kast eden, ýurdy bölmäge çalşan ähli terror guramalaryna garşy uly üstünlik gazanandygyny nygtady.

Dünýäniň eli ganly terrorçylaryna ýarag kömegini berýänleriň, mesele Türkiýe bolanda dürli bahanalary öňe sürýändiklerini aýdan Erdogan, DAIŞ-den, PKK-a, Al Kaidadan Aş Şebaba çenli musulmanlaryň ganyny döken terror guramalarynyň elinde günbatarly ýurtlarda öndürlen ýaraglaryň tapylandygyny ýatlatdy.

Siriýanyň demirgazygynda etniki arassaçylyk edýän PÝD,ÝPG-li ganhorlaryň elinde Türkiýäniň hyzmatdaşlarynyň raketalarynyň, bombalarynyň we ok-därileriniň bardygyny aýdan Prezident Erdogan “ Türkiýe bu ýagdaýda milli howpsyzlygynyň üpjün edilmegi üçin degişli çäreleri görýär. Biz hem döwlet hökmünde goranyş senagatymyzy güýçlendirmäge çalyşýarys” diýdi.

Ufuk korwetinde 10 tonnalyk dikuçar üçin uly meýdança hem bar.

Agyr klimat şertlerinde 45 günüň dowamynda howplary anyklap biljek Ufuk korwetiniň elektroniki synag we tälim ulgamlary ASELSAN tarapyndan üpjün ediler.