Prezident Erdogan 11 adamyň ýogalmagyna sebäp bolan terrorçylykly hüjümi näletledi
Prezident Erdogan “terrora garşy göreş tutanýerlilik bilen dowam eder”diýdi
Stambulda ertiriň irki sagatlarynda guralan terrorçylykly hüjüm bilen arabaglanşykly 4 adam göz tussaglygyna alyndy.
Prezident R. T. Erdogan Stambulda şu gün ertiriň irki sagatlarynda guralan we 11 adamyň ýogalmagyna sebäp bolan terrorçylykly hüjümi näletledi.
Prezident Erdogan “terrora garşy göreş tutanýerlilik bilen dowam eder”diýdi.
Prezident Erdogan terrorçylykly hüjümde ýaralananalryň bejergi alýan Haseki hassahanasyna baryp gördi.
TBMM-niň başlygy İsmail Kahraman hem terrorçylykly hüjüm sebäpli gynanç bildirdi.
Kahraman ýüzlenmesinde, “Halkymyzyň asudalygyny nyşana alýan adamzada duşman ganhorlara bolan ýigrenç gün saýyn artýar” diýdi.
Ganly eller bu gezek Stambulyň Beýazit meýdanynda hüjüm gurady.
Hyýanatçylykly hüjümde 7 polis gullukçysy bilen asuda ilatdan 4 adam ýogaldy.
Bombaly ulag bilen guralan hüjümde 30 adam hem ýaralandy.
Şäher häkimi Wasip Şahin hüjüm hakynda beren beýanatynda terrorçylaryň işe barýan polis gullukçylaryny nyşana alandygyny ýatlatdy.
Wakadan soň Premýer ministr Binaly Ýyldyrym Çankaýa köşgünde İçeri işler ministri Efkan Ala bilen Saglygy goraýyş ministri Rejep Akdagyň gatnaşmagynda howpsyzlyk maslahatyny geçirdi
Degişli Habarlar
Daşary Işler Ministri Fidan Çeh Kärdeşi Bilen Duşuşar
Duşuşykda iki ýurduň arasyndaky özara gatnaşyklar ähli taraplaýyn ara ara alnyp maslahatlaşylar.
