ÝB Russiýa garşy täze sanksiýa tapgyryny girizmek isleýär
ÝB Komissiýasynyň başlygy Ursula fon der Lýaýen, Russiýa garşy täze goşmaça sanksiýalary girizmegiň üstünde işleýändiklerini habar berdi
![ÝB Russiýa garşy täze sanksiýa tapgyryny girizmek isleýär](http://cdn.trt.net.tr/images/xlarge/rectangle/4e0a/7029/46a6/62051216d8738.jpg?time=1718322514)
ÝB Komissiýasynyň başlygy Ursula fon der Laýen we Italiýanyň Premýer ministri Mario Draghi, Belgiýanyň paýtagty Brýussel şäherinde geçiren duşuşyklaryndan ozal, metbugata beýanat berdiler.
Ukrainada başdan geçirilen soňky hadysalary maslahatlaşjakdyklaryny aýdan fon der Laýen: "Russiýa garşy täze goşmaça sanksiýalaryň girizilmegini maslahatlaşarys" diýip mälim etdi.
Fon der Laýen ÝB-niň Russiýa garşy 3 aýry sanksiýa bukjasyny girizendigini ýatladyp: "Indi bolsa sanksiýalarda açyklyk bolmandygyny barlamalydyrys we şolaryň täsirini iň ýokary derejä ýetirmelidiris" diýip habar berdi.
Russiýa garşy girizilen sanksiýalaryň agyrylydygyny aýdan fon der Laýen, olaryň Russiýanyň ykdysadyýetine ýaramaz täsir ýetirýändigini beýan etdi.
ÝB Komissiýasynyň başlygy Ursula fon der Laýen, Russiýanyň Ukrainada zenanlara we çagalara hüjüm edýändigine ünsleri çekip: "Goşmaça sanksiýalaryň üstünde işleýäris" diýip mälim etdi.
Italiýanyň Premýer ministri Mario Draghi bilen energetika meselesini hem maslahatlaşjakdyklaryny aýdan Fon der Lýaýen: "Russiýanyň gazyna, nebitine we kömürine garaşlylykdan halas bolmalydyrys" diýip aýan etdi.
Degişli Habarlar
![Gazada Ýogalanlaryň Sany Artmaga Dowam Edýär](http://cdn.trt.net.tr/images/medium/rectangle/07db/5948/2b13/666ad5609cd4a.jpg?time=1718322515)
Gazada Ýogalanlaryň Sany Artmaga Dowam Edýär
Ysraýylyň 251 günden bäri Gaza Sektoryna garşy guraýan hüjümleri hakynda maglumat berildi.
![Floridada Adatdan Daşary Ýagdaý Dolanşygy Yglan Edildi](http://cdn.trt.net.tr/images/medium/rectangle/cda9/2c88/6db9/666aa329a0851.jpg?time=1718322515)
Floridada Adatdan Daşary Ýagdaý Dolanşygy Yglan Edildi
Ýagyş we sil, ştatdaky käbir ýollara we howa menzillerine uly zeper ýetirdi.