ابراهیم قالین: تاریخی و حقوقی بیر سند اولمادان سویقیریمدان بحث ائتمیین سیاسی ایستیثماردیر
ابراهیم قالین؛ "بو موضوعدا تاریخی و حقوقی بیر سند اولمادان دانیشماق سیاسی ایستیثمار ائتمک دئمکدیر" دئیه دانیشدی
تورکیه پرزیدنت سؤزچوسو ابراهیم قالین، تاریخی و حقوقی بیر سند اولمادان سویقیریمدان بحث ائتمیین سیاسی ایستیثمار اولدوغونو سؤیلهدی.
قالین، پرزیدنت ساراییندا ائتدیگی مطبوعات کونفرانسیندا گوندمه باغلی قیمتلندیرمهلر ائتدی.
سؤزده ارمنی سویقیریمی ادعالارینین مختلیف دؤورلرده گوندمه گتیریلدیگینی خاطیرلادان قالین، بو موضوعدا آلمان فدرال مجلیسینده 2 ژوئنده بیر سس وئرمه ائدیلهجگینی سؤیلهدی.
موضوعیا باغلی متنی هله گؤرمدیگینی یازان قالین، سویقیریم ادعاسینین جدی بیر ادعا اولدوغونون وورغولادی.
ابراهیم قالین؛
"بو موضوعدا تاریخی و حقوقی بیر سند اولمادان دانیشماق سیاسی ایستیثمار ائتمک دئمکدیر" دئیه دانیشدی.
پرزیدنتی رجب طیب اردوغانین باش ناظیرلیگی دؤورونده ائتمیش اولدوغو 'اورتاق کومیسیون چاغیریشینی خاطیرلادان ابراهیم قالین؛
"تأسف کی، نه ارمنیستاندان نه ده ارمنیستان تزلرینی دستکلهین اؤلکهلردن بیر جواب گلمهدی. بئله بیر کومیسیون 1915 مدتینه گئدن دؤورده نلر یاشاندیغینی اوبژکتیو اولاراق کویابیلیردی. بو چاغیریشیمیز هله اعتبارلیدیر. او دؤورده یاشانان حادثهلرین ایشیقلاندیریلماسی البته هم تورکیه جمهوریتی وطنداشلاری، هم ارمنی وطنداشلاریمیز هم ارمنیستاندا و هم دیاسپوردا یاشایانلار اوچون اهمیتلی بیر اوغور اولاجاق "دئدی.
1915 حادثهلرینین اورتاق بیر آجی کؤچ حادثهسینین اینکار ائدیله بیلمز بیر گئرچک اولدوغونو ایفاده ائدن قالین، آنجاق موضوعیا عدالتلی یادداش پرسپکتیویندن باخیلماسی لازیم اولدوغونو وورغولادی.
پرزیدنت سؤزچوسو، بو جور تلاشلاری ائدنلرین، آلمانداکی تورک کؤکنلی 3 میلیون اینسانی، حتی بوتون اوروپاداکی تورک و مسلمانلارین دا قارشیسینا آلماسینین سوال ایشارهلری یاراتدیغینی سؤزلرینه علاوه ائتدی