"باقلاوا" نئجه پیشیریلیر؟

ان یاخشی تورک شیرینیسینین نه اولدوغونو سوروشسانیز، بؤیوک بیر چوخونلوق باقلاوا دئیه‌جک. باقلاوا شن بایرام‌لارین، توی‌لارین و خوش گون‌لرین شیرینیسی‌دیر. ایش یئرینده تشویق آلدیغینیزدا، درحال هر کسه باقلاوا داغیدیریسنیز. اوشاغینیز اولدوغوندا؛ سئودیک‌لرینیزه باقلاوا سرویس ائده‌رک خوشبختلیگینیزی پایلاشیرسینیز.  بایرام گلدی می، باقلاوا یئنه ده لیدر رول اویناییر.

چوخ اینجه آچیلمیش قات قات خمیر آراسینا پارچالانمیش پوسته‌، جویز و یا فیندیق قویوب پیشیردیکدن سونرا، شربت‌ ایله تاتلاندیریلاراق سرویس ائدیلن بیر شیرینی‌دیر باقلاوا.  یالنیز تورکیه‌یه خاص بیر شیرینی ده دئییل اوسته‌لیک. بالکان‌لاردان یاخین دوغویا قدر گئنیش بیر جغرافیادا باقلاوا اولا‌راق گؤرولور. اما گئرچک گورمه‌لرین/ داد اوستالارین ان یاخشی‌سی‌نین تورکیه‌نین گونئی دوغو بؤلگه‌سینده یئر آلان غازی‌عنتپ‌ده دئییلیر.

باقلاوا پیشیرمک اوچون لازیم اولانلار:

3  دنه یومورتا

1  فینجان سود

1  فینجان مایه یاغی

1  چای قاشیغی قابارتما توزو

1   یئمک قاشیغی سیرکه

¼  چای قاشیغی دوز

5  فینجان اون

2  پارچالانمیش قوز و یا پوسته

1 ½  فینجان مکه نیشاستاسی

1  چای قاشیغی لیمون سویو

250  قرام کره

شربت اوچون:

4  سو شکر

5  فینجان سو

1/2  چای قاشیغی تزه سیخیلمیش لیمون سویو

باقلاوانی بیشیرمه واختی‌دیر. ایلک نوبه‌ده باقلاوانین یوفقاسی اوچون خمیر حاضیرلایا‌راق باشلایاجاغیق. اونو درین قاریشدیریجی قابا توکون. اونو‌ن اورتاسیندا پارماق‌لارینیزلا بیر حووض کیمی آچین. یومورتا، سود، یاغ، قابارتما پودراسی، سیرکه و دوزو علاوه ائدین. بوتون ماده‌لری یاواش-یاواش قاریشدیرا‌راق یوموشاق خمیر حاضیرلایین. خمیرین اوستونو نم‌لی بیر پارچا ایله اورتون و بیر ساعاتا قدر اوتاق ایستیسینده بیراخین. دینلنن خمیری، ایگیرمی برابر بؤلومه آییردیقدان سونرا مرمر دزگاه اوستونده گیرده‌لیین. هر بیر خمیر پارچاسینی بیر بوشقاب اؤلچوسونده آچین.

آرا‌لاریندا مکه نیشاستاسی سپه‌رک آچدیغینیز خمیرلری اوست اوسته دوزون. بیر اوخلاوا ایله خمیرلری مومکون قدر اینجه آچین. حاضیر باقلاوا یوفقاسی تاپابیلرسینیزسه، هئچ بیر چتین‌لیک‌ چکمه‌دن حاضیر یوفقا دا ایستیفاده ائده‌بیلرسینیز.

بو واخت یوفقا قاتلارینی یاغلاماق اوچون آز ایستی‌لیکده کیچیک بیر قازاندا یاغ اریدین. فیرین تئپسی‌سی‌نین دیبینی اریمیش یاغ ایله یاغلایین. آچدیغینیز خمیرلردن ان آزی ایکیسینی، باقلاوانین آلت و اوست مرتبه‌سی اوچون آییرین.

یوفقلارین اون دنه‌سینین آرالارینی یاغلیاراق فیرین تئپسی‌سینده اوست اوسته قویون. باقلاوا اورتاسینا ظریف شکیلده ازیلمیش جویز و یا پوسته‌نی برابر اؤلچوده داغیدین.

قالان یوفقالاری دا عینی شکیلده اوست اوسته دیزین. یوفقالارین کنارینی تئپسی‌نین آلتینا ایته‌لیین. یوفقالاری دوزبوجاق‌لی و یا گیرده فورما شکلینده کسکین بیچاقلا کسین.

قالان اریمیش یاغی باقلاوانین اوستونه سورون. اؤنجه‌دن 180 درجه قیزدیریلمیش فیریندا اوزلری قیزارمیش و تک تک قاتلاری آچیلانا قدر، تخمینن 50 دقیقه بیشیرین.

باقلاوا شربتی حاضیرلاماق اوچون؛ شکری درین بیر قابدا سو ایله قاریشدیردیقدان سونرا، اورتا ایستیلیکده تخمینن 25 دقیقه قاینادین.

قاینانان شربته لیمون سویو علاوه ائتدیک‌دن سونرا اوجاقدان چیخارین.

فیریندان چیخاردیغینیز ایستی باقلاوانین اوستونه بیر ملاغا ایله آز آز ایستی شربت‌دن تؤکون. شربتین چکن باقلاوانی سرویس ائدین. عافیت اولسون.