تورک جمهوریتلرینده گئچن هفته
۹-۱۱ سپتامبر ۲۰۲۴ تاریخلرینده باکی شهرینده تورک دونیاسی اورتاق الیفبا کمیسیونو ۳.جو ییغینجاغی گئرچکلشدیریلدی
۸-۱۳ سپتامبر ۲۰۲۴ تاریخلرینده قازاقیستانین پایتاختی آستانادا ۵.جی دونیا کؤچری اویونلاری گئرچکلشدیریلدی. ۵.جی دونیا کؤچری اویونلارینین آچیلیش مراسیمینه قازاقیستان، قیرقیزیستان، اؤزبکیستان، موغولستان (اسکی)، تاتاریستان و یاقوتیستان جمهورباشقانلاری، تورکمنیستان خالق مصلحتی باشقانی، تورک دؤولتلر تشکیلاتی، تورکسوی، تورک سرمایه صاندیغی، تورکپا، تورک مدنیت و میراث وقفی کیمی بین الخالق قورولوشلارین باش کاتیبلری، تورک جمهوریتلرینین ادماندان مسئول ناظیرلری قاتیلدی. ۵.جی دونیا کؤچری اویونلاریندا ۸۹ اؤلکه‌دن ۲ میندن چوخ ایدمانچی یاریشدی.
۵.جی دونیا کؤچری اویونلاری چرچیوه‌سینده ۱۰ سپتامبر ۲۰۲۴ تاریخینده تورک دؤولتلر تشکیلاتی گنجلیک و ایدماندان مسئول ناظیرلر ۸.جی ییغینجاغی گئرچکلشدیریلدی. ییغینجاغا قازاقیستان، قیرقیزیستان، ماجاریستان، اؤزبکیستان و تورکیه‌نین ایدمان ناظیرلری قاتیلدی. ییغینجاقدا بیر سونراکی ۶.جی دونیا کؤچری اویونلارینین قیرقیزیستاندا ائدیلمه‌سی قراری آلیندی.
۹ سپتامبر ۲۰۲۴ تاریخینده تورک دؤولتلر تشکیلاتی عدالت ناظیرلری بیرینجی ییغینجاغی قازاقیستاندا گئرچکلشدیریلدی. ییغینجاغا تورک دؤولتلر تشکیلاتینا عضو اؤلکه‌لرین عدالت ناظیرلری قاتیلدی. ییغینجاق سونوندا آستانا بیلدیریسی ایمضالاندی.
۱۰ سپتامبر ۲۰۲۴ تاریخینده روسیا فدراسیونو باش ناظیری میخائیل میشوستین اؤزبکیستانا رسمی سفر گئرچکلشدیردی. باش ناظیر میشوستین و اؤزبکیستان باش ناظیری عبدالله آریپوو اؤزبکیستان-روسیا حکومتلرآراسی اورتاق کمیسیونو ۵.جی ییغینجاغینا باشقانلیق ائتدیلر. اؤزبکیستان جمهورباشقانی شؤوکت میرضیایئو روسیا باش ناظیری میشوستینی قبول ائتدی.
۱۱ سپتامبر ۲۰۲۴ تاریخینده تورکیه جمهوریتی مدافعه ناظیری یاشار گولر قازاقیستانا رسمی سفر گئرچکلشدیردی. ناظیر گولر قازاقیستان مدافعه ناظیری روسلان ژاکسیلیکوو ایله گؤروشدو. قازاقیستان جمهورباشقانی قاسیم جومرد توکایئو ناظیر گولری قبول ائتدی.
۱۱ سپتامبر ۲۰۲۴ تاریخینده قیرقیزیستان جمهورباشقانی سادیر جاپاروو کولکتیو تهلوکه‌سیزلیک آنلاشماسی تشکیلاتی باش کاتیبی ایمانگالی تاسماگامبئتووو قبول ائتدی. گؤروشمه‌ده بؤلگه‌سل تهلوکه‌سیزلیک، اورتاق عسگری مانورلار کیمی مؤوضوعلار اله آلیندی.
۱۲ سپتامبر ۲۰۲۴ تاریخینده تورکیه جمهوریتی خاریجی ایشلر ناظیری حاکان فیدان، ایچ ایشلری ناظیری علی یئرلیکایا و میللی کشفیات تشکیلاتی باشقانی ابراهیم کالین اؤزبکیستانا سفر گئرچکلشدیردی. تورکیه هیئتی داشکند شهرینده اؤزبکیستانلی قونومداشلاری ایله گؤروشدو. ییغینجاق سونوندا یول خریطه‌سی سندی ایمضالاندی. اؤزبکیستان جمهورباشقانی شؤوکت میرضیایئو تورکیه هیئتینی قبول ائتدی. خاطیرلاتماق لازیمسا، بو فورماتدا ییغینجاق تورکیه و اؤزبکیستان آراسیندا ایلک دفعه ائدیلدی.
***
۹-۱۱ سپتامبر ۲۰۲۴ تاریخلرینده باکی شهرینده تورک دونیاسی اورتاق الیفبا کمیسیونو ۳.جو ییغینجاغی گئرچکلشدیریلدی. ییغینجاغا تورک دؤولتلری تشکیلاتینا عضو اؤلکه‌لردن مسئوللار قاتیلدی. ییغینجاق سونوندا ۳۴ حرفدن عبارت اولان اورتاق تورک الیفباسی تکلیفی اوزرینده آنلاشما اولدوغو بیلدیریلدی. ۳۴ حرفلی اورتاق تورک الیفباسی تورک دؤولتلر تشکیلاتی ذیروه‌سینده جمهورباشقانلارین تصدیقینه تقدیم ائدیله‌جک.
۱۰ سپتامبر ۲۰۲۴ تاریخینده باتومدا آذربایجان-گورجوستان-تورکیه مدافعه ناظیرلری ۱۱.جی ییغینجاغی گئرچکلشدیریلدی. ییغینجاق سونوندا اوچلو آنلاشما متنی ایمضالاندی. گلن هفته گورجوستاندا سؤزو گئدن اؤلکه‌لرین عسگرلرینین ایشتیراکی ایله "سونسوزلوق ۲۰۲۴" اورتاق عسگری مانورو ائدیله‌جک.
