آوراسیا جمهوریتلرینده گئچن هفته
۱ سپتامبر ۲۰۲۴ تاریخینده گئرچکلشدیریلن آذربایجان پارلمانی سئچکیلرینین نتیجه‌لری آچیقلاندی. سئچکی نتیجه‌لرینه گؤره، یئنی آذربایجان پارتیسی ۶۸ کورسو قازاناراق بیرینجی پارتی اولدو
۲-۳ سپتامبر ۲۰۲۴ تاریخلرینده روسیا فدراسیونو دؤولت باشقانی ولادیمیر پوتین موغولستانا رسمی سفر گئرچکلشدیردی. اولانباتوردا ولادیمیر پوتین موغولستان جمهورباشقانی اوخناگین خورلسوخ، مجلیس باشقانی آماربایاسگالان داشزئگوین و باش ناظیر اویون-ارده‌نه لووساننامسرای ایله گؤروشمه‌لر ائتدی. گؤروشمه‌لر سونوندا ایکی اؤلکه آراسیندا ۵ آنلاشما ایمضالاندی. روسیا فدراسیونو طبیعی قایناقلار و اطراف ناظیری آلئکساندر کوزلوو، روسیا، موغولستان و چینین اورتاق شکیلده ایل سونونا قدر ۳۰دان چوخ استراتژیک پروژه حاضیرلایاجاغینی آچیقلادی.
روسیا فدراسیونو دؤولت باشقانی ولادیمیر پوتین موغولستاندان ولادیووستوکا گئچدی و شرق اقتصاد فورومونا قاتیلدی. ۳-۶ سپتامبر ۲۰۲۴ تاریخلرینده گئرچکلشدیریلان فوروما ۷۵ اؤلکه‌دن ۷ میندن چوخ نماینده قاتیلدی.
۳ سپتامبر ۲۰۲۴ تاریخینده عشق آباد شهرینده تورکمنیستان خاریجی ایشلر ناظیری راشید مردوو تورکسوی باش کاتیبی سلطان رائو ایله گؤروشدو. گؤروشمه‌ده دوغومونون ۳۰۰.جو ایلدؤنومو قوتلانان مختوم‌قولو فیراغی و تورک دونیاسینین مدنیت پایتاختی اعلان ائدیله‌ن آنائو ایله باغلی ائدیلمکده اولان فعالیتلر اله آلیندی.
۳-۵ سپتامبر ۲۰۲۴ تاریخلرینده آستانا شهرینده آسیا پاسیفیک دیجیتال ایشتیراک و دؤنوشوم کنفرانسی تشکیل ائدیلدی. کنفرانسا ۶۰دان چوخ اؤلکه‌دن نماینده‌لر قاتیلدی. قازاقیستان باش ناظیری اولژاس بئکتئنووون دا قاتیلدیغی کونفرانسدا آسیا پاسیفیک بؤلگه‌سی دیجیتال دؤنوشوم راپورو تقدیم ائدیلدی.
۵ سپتامبر ۲۰۲۴ تاریخینده اوکراینا پارلامانی ورخوونا رادا سون ایللرین ان بؤیوک کابینه دییشیکلیگینی تصدیقله‌دی. اوکراینا حکومتینده‌کی یئددی ناظیرلیگه یئنی ناظیرلر تعیین ائدیلدی.
۶ سپتامبر ۲۰۲۴ تاریخینده چولپون آتا شهرینده تورک دؤولتلر تشکیلاتی ایچ ایشلری ناظیرلری ۱.جی ییغینجاغی گئرچکلشدیریلدی. ییغینجاغا آذربایجان، قازاقیستان، قیرقیزیستان، اؤزبکیستان و تورکیه ایچ ایشلری ناظیرلری قاتیلدی. ییغینجاق سونوندا بیاننامه ایمضالاندی. عینی گون قیرقیزیستان جمهورباشقانی سادیر جاپاروو تورک دؤولتلر تشکیلاتینا عضو اؤلکه‌لرین ایچ ایشلری ناظیرلرینی قبول ائتدی.
۶-۸ سپتامبر ۲۰۲۴ تاریخلرینده چین خالق جمهوریتی باشقان کؤمکچیسی حان ژنگ موغولستانا سفر گئرچکلشدیردی. چین خالق جمهوریتی باشقان کؤمکچیسی حان ژنگ موغولستان جمهورباشقانی اوخناگین خورلسوخ، مجلیس باشقانی آماربایاسگالان داشزئگوین و باش ناظیر اویون-ارده‌نه لووساننامسرای ایله گؤروشمه‌لر ائتدی.
***
۱ سپتامبر ۲۰۲۴ تاریخینده گئرچکلشدیریلن آذربایجان پارلمانی سئچکیلرینین نتیجه‌لری آچیقلاندی. سئچکی نتیجه‌لرینه گؤره، یئنی آذربایجان پارتیسی ۶۸ کورسو قازاناراق بیرینجی پارتی اولدو.
۴-۶ سپتامبر ۲۰۲۴ تاریخلرینده آذربایجان جمهور باشقانی ایلهام علییئو ایتالیایا ایش سفری گئرچکلشدیردی. جمهورباشقانی علییئو ایتالیا جمهورباشقانی سرجو ماتارلا، باش ناظیر جورجیا ملونی ایله گؤروشدو. گؤروشمه‌لردن سونرا طرفلر آراسیندا ۳ آنلاشما ایمضالاندی. جمهورباشقانی علییئو سفر چرچیوه‌سینده بین الخالق فوروما قاتیلاراق دانیشدی.
روسیا دؤولت باشقانی کؤمکچیسی یوری اوشاکوو، تورکیه‌نین بریکسه تام عضو اولماق اوچون مراجعت ائتدیگینی بیلدیردی. اوشاکوو آیریجا جمهورباشقانی رجب طیب اردوغانین ۲۲-۲۴ اکتببر ۲۰۲۴ تاریخلرینده قازان شهرینده تشکیل ائدیله‌جک بریکس ذیروه‌سینه قاتیلما دعوتینی قبول ائتدیگینی آچیقلادی. گئچه‌ن آی آذربایجان بریکسه عضو اولماق اوچون مراجعت ائتمیشدی.
