İnsulin rezistentlığı bulğanda tabiğıy däwalaw ısulları
Sälamät bulıyq - 2/2022
Sälamät bulıyq - 2/2022
“Sälamät bulıyq” tapşıru tezmäbezneñ bu bülemendä süz insulinğa qarşılıq bulğanda tabiğıy däwalaw ısulları turında baraçaq.
- Alma serkäse
Ul aşağannan soñ insulin häm qandağı şikärneñ artuına yul quymıy. Alma serkäse uglevodlı rizıqlardan soñ yuğarı insulin däräcäsen buldırmaw öçen dä yärdäm itä. Ul insulinnın täêsiren arttırıp, aña êffektın kürsätü öçen waqıt birä häm aşqazanınnan rizıq kitüne kiçekterep insulinğa sizgerlekne arttıra
2.Aq käbestä
7 danä käbestä yafraqın peşeregez. Suınğannan soñ suın sözep alığız. Älege sunı aşağançı yäisä aşağannan soñ 1 stakan êçegez. Cılı kileş êçkändä genä täêsire bula. 15 kön buyınça bu kursnı qullanığız. 3 kön tuqtap torğannan soñ 5 kön daimi êçärgä kiräk.
3.Yäsmin çäçäge
Kön däwamında ber çınayaq yäsmin çäye êçep açlıq xise birüçe şikär däräcäsen normal’ xälgä kiterä alasız. İrtänge aştan soñ 30 minut ütkäç êçsägez, tağın da êffektiv bulaçaq.
4.Melissa (limon bötnege)
Anı här könne irtän qaynatıp êçärgä kiräk. Melissa çäye waqıt belän insulinğa qarşılıqnı beterä ala.
5.Baqa yafrağı
Baqa yafrağın tönätep kiçke aştan soñ 30 minut ütkäç êçü faydalı.
6.Qara änis (tmin)
Diabet awırtuı belän köräştä qara änisneñ ähämiyäte zur. Ul aşqazanı astı bizeneñ yañartıluına yärdäm itep şikär çirenä kirtä bula.
7.Darçın
Darçın sälamätlekkä uñay yoğıntı yasawçı tämlätkeç. Sälamät keşelärdä häm insulinğa qarşı toruçanlığı buluçılarda ütkärelgän täcribälär anıñ insulinğa sizgerlekne arttırıp naçar prośessnı kimetä aluın kürsätkän. Kön sayın ber çäy qalağı darçın insulin däräcäsen töşerä. Anı yartı litr suğa salıp kön däwaminda êçärgä kiräk.
8.Yäşel çäy
Yäşel çäy bik faydalı êçemlek häm zur külämdä antioksidantqa iyä. Törle tikşerenülär anıñ insulinğa qarşılıq belän köräşergä yärdäm itüen kürsätä.
9.Zäytün yafrağı
İnsulinnıñ sekreśiyäsen häm kire alınuın arttıra. Monıñ öçen 15 danä zäytün yafrağın 250 millilitr qaynar suğa salıp 15 minut tönätergä kiräk. anı kön däwamında êçäse.
Çäy dä äzerlärgä bula. Monıñ öçen
- 1 darçin tayaqçığı
- 1 bal qalağı yäşel çäy
- 1 bal qalağı zäytün yafrağı kiräk.
Äzerläneşe: barısın pıyala çınayaqqa quyıp östenä 250 millilitr qaynar su östärgä. 10 minut tönätelüen kötäse. Kön sayın 3-4 çınayaq êçärgä bula.
10.Qıçıtqan
Älege ülän qandağı şikärneñ üzläşterelüen kimetä. Monnan tış aşqazanı astı bizennän insulin sekreśiyäsen arttıra.
Qullanu öçen yäşel qıçıtqannı zäytün mayı belän peşerergä mömkin. Kipterelgän qıçıtqannı tönätep êçärgä bula. Monıñ öçen 1 stakan suğa 1 bal qalağı ülän salıp 10 minut kötärgä kiräk.
11.Sumak
Qandağı insulin däräcäsen balansta tota. Bu üzençälege arqasında insulin rezistentlı häm şikär diabetlı awırular qullanırğa tiyeşle tämlätkeçlär arasına kerä.
12.Xel’ba orlığı
Bu orlıqlar insulinnıñ tağın da täêsirle buluına yärdämçe itüçe cepsellärgä bay. İnsulin däräcäsen töşerü häm qandağı şikärne balanslaw öçen qullanıla. Açığunı da kiçekterä.
Xel’banı 4 qaşıq yoğurt êçenä 1 aş qaşığı salıp aşarğa kiräk.
13.Kurkuma
Kurkumin dip ataluçı aktiv matdäse arqasında ul yalqınsınunı buldırmıy häm antioksidant üzençäleklärenä iyä. Qandağı irekle may kislotaların häm şikärne kimetep glyukoza däräcäsen köylärgä bulışa.
14.İmbir
Älege tämlätkeç aktiv matdäläre yärdämendä muskul küzänäklärendäge şikär reśeptorların tağın da qullanılışlı xälgä kiterä. Şuña kürä ul insulin rezistentlığı bulğannar öçen faydalı.
15.Sarımsaq
Qandağı şikärne zur külämdä kimetä
Tabib Mäxmät Uçar