Törki cömhüriyätlärneñ kön üzägendäge waqıyğalar

Awraziya qaytawazı - 24/2024

2152162
Törki cömhüriyätlärneñ kön üzägendäge waqıyğalar

“Awraziya qaytawazı” tapşıru tezmäbezneñ bu bülemendä törki cömhüriyätlärneñ kön üzägendäge waqıyğalarğa tuqtalabız.

Ağımdağı yılnıñ 3nçe iyünendä Qırğızstan ilbaşı Sadir Caparov Yaponiyä tışqı êşlär ministrı urınbasarı Kiyota Sudzinı qabul itte. Söyläşüdä ike il arasındağı mönäsäbätlär, Üzäk Aziya -Yaponiya sammitı temaları qaraldı.

Bötendön’ya säwdä oyışması ğomum mödire Ngozi Okonjo-İveala uzğan atnada Qazaqstan, Üzbäkstan häm Azärbaycanğa säfär yasadı. Anı 3nçe iyün’dä Qazaqstan ilbaşı Qasıym-Cumart Toqayev qabul itte. Söyläşüdä ike aradağı xezmättäşlek turında süz bardı. Toqayev räsmi qunaqqa Duslıq medale täq’dim itte. İsegezgä töşeräbez ağımdağı yılnıñ 14-15nçe mayında Almata şähärendä 13nçe Üzäk Aziya säwdä forumı uzdırıldı.

5nçe iyün’dä Üzbäkstan ilbaşı Säwkät Mirziyayev, 6nçı iyün’dä isä Azärbaycan däwlät başlığı İlham Äliyev Bötendön’ya säwdä oyışması ğomum mödire Ngozi Okonjo-İvealanı qabul itte. Älege söyläşülärdä kön tärtibendä Üzbäkstan häm Azärbaycannıñ älege oyışmağa tulı äğ’za bulu prośessı ide.  

Misır cömhüriyäteneñ senat başlığı Abdülvaxab Abdülrazıyq Üzbäkstannan soñ Qazaqstanğa säfär yasadı. Biredä ul qazaq wazıyfadaşı belän oçraştı. 4nçe iyün’dä Qazaqstan ilbaşı Qasıym-Cumart Toqayev Misır senatı räisen qabul itte.

6nçı iyün’dä Pekin şähärendä Qıtay xalıq cömhüriyäte, Qırğızstan häm Üzbäkstan transport ministrları Qıtay-Qırğızstan-Üzbäkstan timer yul tözeleşe kileşüen imzaladı.

5-6nçı iyün’dä Üzbäkstan ilbaşı Şäwkät Mirziyayev Törkiyägä räsmi säfär yasadı. 6sında Änkarada Törkiyä-Üzbäkstan yuğarı däräcäle strategik xezmättäşlek şurasınıñ 3nçe cıyılışı ütte. Anıñ axırında ike däwlät arasında 18 kileşü imzalandı. Liderlar matbuğat cıyılışı ütkärde. İlbaşı Räcäp Tayyip Ärdoğan däwlät başlığı Mirziyoyevqa Törkiyä cömhüriyäte däwlät ordenın täq’dim itte. Säfär qısalarında Törkiyä-Üzbäkstan êş forumı ütkärelde. İlbaşı Räcäp Tayyip Ärdoğan däwlät başlığı Mirziyoyevnı aêroportta şäxsän ozatıp cibärde.     

1nçe iyün’dä Qırğızstan ilbaşı Sadir Caparov İslam üseş bankı citäkçese Möxämmät Äl-Jassernı qabul itte. Söyläşüdä banknıñ Qırğızstandağı êşçänlekläre qaraldı.  

5nçe iyün’dä Baqıda Azärbaycan häm Vengriya tışqı êşlär ministrları 2nçe strategik dialog cıyılışı uzdırdı. Söyläşü axırında ike il ministrlıqları arasında kileşü turında memorandum häm cıyılış protokolı imzalandı.

Törkiyä tışqı êşlär ministrı Xaqan Fidan, Qıtay xalıq cömhüriyätenä yasağan räsmi säfäre qısalarında, 6nçı iyün’dä Sincan uyğır avtonom töbägenä yul tottı. Ul Urumçi häm Kaşgar şähärlärendä oçraşular uzdırdı.

7-8nçe iyün’dä Azärbaycan ilbaşı İlham Äliyev Misırğa räsmi säfär yasadı. Ul anda däwlät başlığı Abdülfättax äs-Sisi belän oçraştı. Söyläşülärdän soñ ike il arasında 7 kileşü imzalandı.     



Bäyläneşle xäbärlär