Törkiyäneñ Rakka operaśiyäse xisabı

Törkiyä Süriyäneñ Rakka qalasına operaśiya oyıştıru mäs’äläsendä qatği bulğan Amerika Quşma Ştatlarına xäräkät xisabın täqdim itep cawap qaytardı.

Rakkada “DEAŞ” terror oyışmasına yasalaçaq höcümneñ Tel’ Ab’yad aşa tormışqa aşaçaq operaśiya belän mömkin bula aluına basım yasalğan xisapta “PKK” terror oyışmasınıñ Süriyädäge törkeme “PYD”nı çitläşterep imin töbäk buldıru sorala.

AQŞqa planlaştırılğan operaśiya xaqında xisap täqdim itkän Törkiyä räsmi zatları Üzäk küzläw oyışması CIAnıñ yaña başlığı  Mayk Pompeonıñ Änkara säfärendä dä bu mäs’älä xaqında söyläşte.

Rakka operaśiyäse planında logistik häm iminlek cähätennän iñ maqsatqa yaraşlı yul itep Tel’-Ab’yad - Ayn'äl İsa – Rakka yünäleşe bilgelände.

”PYD/YPG” terror oyışması kontrolendä bulğan Tel’-Ab’yad yünäleşen qullanunıñ AQŞ öçen êçkersezlek testı buluın beldergän çığanaqlar “Amerika Rakkanı “DEAŞ”tan arındıru mäs’äläsendä samimi isä ,Süriyäneñ cir bötenlegenä xörmät belän qarasa, biredä Törkiyä häm koaliśiya köçläre belän bergä xäräkät itärgä teli ikän Rakkağa Tel’-Abyad aşa kerergä tiyeş. Törkiyäneñ bu xäräkätne başqarğanda Rusiya häm İrannı da iğtibarsız qaldırmawı zarur”dip citkerä.  

Äl-Babtan Rakkağa suzılğan yul Tabka böyäse aşa barğanda 170 çaqrım .

Çobanbäydän Äl-Babqa qadär bulğan 40 çaqrımlıq yulnı da isäpkä alğanda logistik cähättän 210 çaqrım yıraqlıq bar.

Mondıy yıraqlıq säbäbe belän tulılandıru sistemasında problemalar kilep çığaçaq  häm yul iminlegen täêmin itü qıyınlaşaçaq.

Operaśiya köçläre Rakka yünäleşe buyınça rejim belän ber yaqtan barırğa mäcbür bulaçaq ,bu isä operaśiyädä risknı arttıraçaq.

Yänä bu yul östendäge “DEAŞ” qulındağı toraq punktlarnı uzu da operaśiya waqıtın ozınaytaçaq.

Törkiyä bilgelägän Tel’ Ab’yad - Ayn äl-İsa – Rakka yünäleşe isä 90 çaqrımlıq yul.

Çik buyınnan başlap bu yulnıñ yaqınça 70 çaqrımı “PKK/PYD” kontrolendä.

Monnan soñ Rakkağa barıp citü öçen qalğan yıraqlıq 20-25 çaqrım.

Amerika Quşma Ştatları êçkersezlegeneñ biredä bilgele bulaçağın beldergän çığanaqlar Törkiyäneñ “DEAŞ”qa qarşı köräştäge samimilege belän ixtimal tozaqlarğa töşmäw öçen iğitibarlı xäräkät itüe kiräklegen kisätä.

Bu nigezdä 90 çaqrım ozınlığında häm 60 çaqrım tiränlegendä planlaştırılğan Färat yılğasınıñ könbatışındağı imin töbäk tulısınça qurqınıçsız, imin xälgä kiterelgännän soñ Rakka xäräkäten uylaw kiräklegenä basım yasala.

Törkiyäneñ planı Färatnıñ könbatışınnan Cärablus, Münbiç, Äl Bab, Tal Rifat häm Azäz liniyäsen üz êçenä ala.

Töbäkne yaqınnan belüçe çığanaqlar “Törkiyä öçen bu töbäkneñ iminlege Rakkadan tağın da möhimräk” dip kisätä.

Bu operaśiya Törkiyä öçen nigä möhim soñ?

Törkiyä Rakka operaśiyäseneñ “PKK/PYD” êlementları belän başqarıluına qarşı çıqqanda bu operaśiya belän tübändäge qazanışlarğa ireşüe küzdä totıla:

Rakka terror oyışmasınnan çistartılğan oçraqta “DEAŞ”nıñ Törkiyä belän bäyläneşle êlemtäse betäçäk häm keşe çığanağı tuqtayaçaq. “PKK/PYD” üzlegennän töbäktän kitäçäk häm töbäk tulısınça alardan arınaçaq. “PKK/PYD” häm “DEAŞ”arqasında yäşägän cirlären taşlap kitkän meñnärçä keşe kire öylärenä qaytaçaq”.