Nogayşa 224: Allah’tı oylav, em özine yalbaruv (4)
Bu yuma em “ALLAH’TI OYLAV, EM ÖZİNE YALBARUV” baresinde söz bardıramız.
Nogayşa 224: Allah’tı oylav, em özine yalbaruv (4)
Bîr alimdiñ Allah’tı
Esleviniñ qasında,
Özine duva qılganı
Sözleriniñ davamı
Nav aqıyqatlar bolgan:
“Ey, etken isleriniñ
Sanı soñsuz bolgan Allah!
Ey ilim, irfan, molluq,
İhsanlardıñ iyyesi
Ullı Quday, Hak Allah!
Seniñ barlıgındıñ mejbur
Bolganınıñ şayitleri,
Bulut, ayındırıq em şimşek,
Yellerminen yamgırlar
Bolganları qasında,
Sosınlardıñ bîr bolup
Barabar areket etkenleri,
Saga ayrı delil bolgan...
Tagı sosı zatlar barı,
Bîrbîrinden erek bolup,
Em bîrbîrine osamas
Allerimen barabar,
Bîrbîriniñ işinde,
Bîrbîrine kömekleri,
Seniñ vahdetine, birligine
Köp quvatlı işaret etken...
Em azamatlı aspandı,
Acayip mahşer etkenin,
Yani bîrbîrine zıd
Maddelerdi so kökte
Yıyıstırıp toplaganın,
Atta bazı künlerde,
Bîr qaş qayta so kökti
Tolturup em bosaltqanın,
Rablıgındıñ haşmetine,
Baska bîr delil bolgan...
Em sosı aspandı,
Yazıp bızgan levhaday
Bulutlardı yıyıstırıp,
Soñı onlardı sıgıp
Suvıman är yaqlardı,
Tarla bav baqşalardı,
Süngerdey suvlatqanın,
Qudretindiñ azamatına
Em islerindiñ är yaqlardı
Qaplaganına şayit bolgan...
Ene sosı isler barı,
Dünyadı, maqluqlardı
Kök perdesi astında
Qarap idare qılgan
Rahmet em amirligindiñ
Hadsiz keñligi qasında,
Em är bîr zatqa yetkenine,
Neşe deliller bolgan...
Em aspandaqı avaga,
So darece hakimane
Vazipeler, qızmatlar
Kördirgeniñ qasında,
Bulut em yamgırlardı,
Ol darece ilminmen
Paydalarda qullanganın..
Sosı aller nav aqıyqattı
Bildirgen em körsetken:
Är bîr zattı quşatqan
İlmiñ, hikmetin bolmasa,
Nav vazipelerdi etpege
Äş bîr imkän bolmagan...
Ey tilegeni är isti,
Tilegendey etken Allah!
Kök betteki islerinmen
Her vaqıt bîr haşirdiñ
Oqşarını etesin!..
Sosı kökte är vaqıt
Alemlerdi basqa alemge
Avdarıp turganda,
Közimizdiñ aldında,
Neşe qıyamet körsetesin...
Bîr saatte yazdı qıs,
Em qıstı yaz etesin!
Yañı bîr alem akelip
Bîr alemdi yoq etesin!
Mine sosı isler barı,
Senin soñsız qudretindiñ
Dünyadı ahiretke
Yengilşe avdarıyagına,
Em ahirette tagı
Soñsız isler etiyegine
İşaretler beribyatır...
Ey Calal İyyesi Qadir!
Kökteki, aspandaqı
Hava, bulut em yamgır,
Ayındırıq, kök kürlegeni,
Seniñ emrin, küşinmen,
Senin quvvat, qudretinmen,
Senin emriñ astında
Vazipeler köripyatır!
Bîrbîrine oqşamas
Sosı köktiñ maqluqları
Gayet tezoq emirlerge
İtaatger allerimen,
Amir em hakimlerini,
Takdis etip rahmetini
Medh ü sena etipyatır...
Maqtavlarını saga
Allerimen sunupyatır...
Ey arz em semavattıñ
Yerdiñ em köklerdiñ
Calallı Yaratuvşısı!
Nav hikmetli Qur’an’ındıñ
Em Rasül-i Ekrem’iñ
Muhammedaleyhisselamdıñ
Dersi em talimimen
İyman ettim em bildim kim:
Qaydey bolsa semavat,
Yıldızlarman em sosı,
İşindeki zatlarman
Seniñ barlıgındıñ mejbur
Em kerek bolganını,
Em bîrligindiñ şayitleri
Bolganını körsetken,
Aynı sosınlarday barı
Nav zemin yer yüzi,
Üstündeki maqluqlarman,
Em barı allerimen,
Seniñ barlıgına bîrligine,
Maqluqatı sanınca
Şayitleriñ bolaberip
Em işaretler etipyatır...
İyye nav yer yüzinde
Barı avdarılgan aller,
Misal bolsa tereklerdiñ,
Em barı ayvanlardıñ
Är sane kiyiminiñ
Avısıp turganı,
Kişkey bolsun, üyken bolsun,
Az bolsun, köp bolsun,
Baresiniñ düzeni,
Seniñ barlıgına, bîrligine,
Neşe işaretler bolıpyatır.
Em är bîr ayvan baresi,
Arıqlıq em muqtajlıqtıñ
Darecesi nispetinşe,
Sosınlarga berilgen
Rahimane rızıqlarman,
Em yaşavına kerek bolgan
Müşelerdiñ hikmetpen
Özlerine tagılganı,
Senin barlıq birligine
Soñsız şayit bolıpyatır...”
Qalgan manelerdi tagı
Keliyek yuma inşallah
Ayttırsın bizge Allah...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com