Nogayşa 221: “Allah’qa yalbaruv”

Bu yuma “ALLAH’QA YALBARUV”

Nogayşa 221: “Allah’qa yalbaruv”

Nogayşa 221: “Allah’qa yalbaruv”

Bir alimdin Kuday’ga

Yalbaruvıman biz tagı

Allah’ka yalbaramız.

So yalbaruvında Alim

Kudaydın yaratkanı

Makluklarını angp

Sosınlardın eslevimen

Em yalbarıp dua kılgan

Biz tagı so alimdin

Duvalarını  Allahka

Özimidin duvasınday

Könilimizden sunamız..

 

Ya ilahi ay rabbi

Men imandın közimen

Em kurandın talimimen

Tagı savle nurıman

Em rasüli ekremin 

Muhammed Aleyhissalatü vesselamdın

Bergeni dersimen

Tagı Allahtın hakim

Atındakı manelermen

Yani er zattı hikmetpen

Yaratuvşı sıpatıman

Sosı attın körsetkeni

Köp teren sırlarıman

Körgenimiz nav bolgan:

 

Aspandakı aylangan

Neşe yıldız bar bolsa

Em türlü baska baska

Hareket etip turgan

Neşe barlık bar bolsa

İntizamlı alimen

Senin barlıgına işaret

Em delalet etipyatır

Em barı kökteki

Köringen ne bolsa

Üyken üyken cirimler

Eş bir davis şıgarmay

Sessiz bolup vazipesin

Tap manemen etipyatır

 

Em kökte direksiz

 Er birev bir orınga

Tayanmay aylanganı

Senin rab bolganına

Tagı bir bolganına

Şahitlikler etipyatır

Barı sosı islerdi

Bir basına küşinmen

Aylandırıp turganındı

Ayrı ayrı körsetipyatır.

 

Baresinin düzeni em

senin birligini tagı

Aşık etip körsetipyatır,

 

Nege dese bir iste

Eger intizam bolsa

So istin iyyesinin

Em dirayetli em küşli

Em bilimli bolganını

Tagı sosı ademdin

Baskalardı isine

Karıştırmay barı istin

Kolından şıkkanına

Aşık bir delil bolgan

 

Demek nav aspanda

Kün ay yıldızlardın

Er birevinin bir takka

Keri kalmay şaşırmay

Tap vaktında aylanganı

Yaratuvşı Allahtın

Neşe küşli bolganına

Tagı em bir bolganına

Üykenşe delil bolgan

 

Mine sosı akıykatlar

Ey kudayımız rabbımız

Barı seni körsetipyatır.

 

Sosınlardın kasında

Tagı barı  yıldızlar

Ölşemli allerimen

Muntazam vaziyetlerimen

Em er keşe savleli  

Allerimen bizlerge

külimsirep karagan

allerinin kasında

Tagı barı yıldızlarga

Okşagan allerimen

Senin yaratuvşı kasiyetinin

Azamat em birligine

İşaretler etipyatır.

Em şayit bolıpyatır....

 

Em kündin tögereginde

Aylanıp turgan yıldızlar

Hikmetli hareketleriminen

Em itaatli allerimen

Emir tınlap eş şaşpay

İslerini körgenimen

Tagı seni körsetipyatır.

 

Yusuf ALTINIŞIK

E-mail: altinisikyusuf@gmail.com

 

 
 


Bäyläneşle xäbärlär