Nogayşa 220: Allah’qa nege inanamız? (11)

Bu yuma “ALLAH’QA NEGE İNANAMIZ?” baresinin soñını aytamız.

Nogayşa 220: Allah’qa nege inanamız? (11)

Nogayşa 220: Allah’qa nege inanamız? (11)

Allah’tıñ barlıgınıñ  

Neşe delilleri baresinde,

Em Allah’qa inangandıñ

İnsanlarga ne darece 

Kerek bolganı manesinde,

Bîr alimdiñ aytqanınıñ  

Soñı nav aqıyqatlar bolgan...

 

Allah’tıñ barlıgınıñ 

En üyken bîr delili,  

Hazret-i Muhammed aqında

(Aleyhisselatü vesselam)

Aytılgan manelerdiñ

Qalganları dep bolgan:

 

 “Mine so Muhammed’diñ (as)  

Är söylegen sözini,  

Tögereginde barı

Esli bolgan insanlar,   

‘İyye! İyye! Tuvra bolgan!’   

Dep tasdik etipyatır...

 

Belki nav mamlekette,

Tavlar, terekler tagı, 

Barı mamleketti yarıtqan

Eñ üyken nur lambası

Sosı zattıñ işaret, 

Em emrine moyın iyip

“İyye iyye mine seniñ     

Är degenin tuvra bolgan”

Dep alimen söylepyatır.

 

(Üyken nur lambası,

Kökteki Kün bolgan...

Paygambar kateri sebep,

Bîr mucize alminen 

Yürgen yolından qaytqan...)

 

Mine ey sarsem arqadaş! 

Nav patşadıñ öziniñ 

Qaznasından berilgen

Mîñ nişandı tasıgan 

Nav nurani azamatlı,  

Em bek ciddi Zatñ,

Tagı barı quvvatıman   

Mamleket üykenleriniñ 

Tasdikleri astında,

Qabar bergeni Allah’tıñ 

Barlıq em bîrligi,  

Em sıpatları baresinde,

Em aytqan sözlerimen,    

Tagı barı emrinde, 

Äş ötürük bolar ma?

 

Aqıyqattıñ zıddına 

Äş bîr yaqtan terislik  

Yade ayle bolar ma?

 

(Mamlekettiñ üykenleri,  

Sözinden maqsat, 

Paygambar em evliya           

Degen insanlar bolgan.)

 

Eger sosı aytılganda, 

Zarre miqtar ötürük  

İhtimalı bolursa,

Sosı vaqıt nav saraydı,    

Lambalardı em yamagattı,

Sonı körgen tasdik etken  

Barı mübarek insanlardıñ

Barlıqlarını tagı,

Em aqıyqatlarını,      

“Ötürük” dep aytuv kerek!

 

Eger seniñ küşin bolsa,     

Nav aqıyqatlarga qarşı,

İtiraz barmagındı uzat!     

Qara, qaydey barmagıñ

Delillerdiñ quvvatıman  

Sındırılıp özindiñ    

Közlerine tıgılıyaq!

 

On ekinşi delil:  

Kel bîr kesek esi 

Basına kelgen birader! 

Ötken barı onbîr delil

Quvvatında saga endi  

Bîr delil em körsetiyekpen:

 

Mine qara yogardan 

Tüsüp är kimler soga 

Ya hayretinden yade

Örmetinden köp dıqqatpan  

Qaraganı nav permanga

Endi sen tagı qara! 

Em so miñ nişanlıZat

Yani Paygambar aleyhisselam,

Perman qasında turup 

Ol permanda bolganlardı, 

Barege aytıpyatır...

 

(Nurani perman Qur’an,    

Üstündeki möhür em,

Mucizeligi bolgan.)

 

So permanñ sözleri, 

Mucize kebimen   

Yarqıganga är kimdiñ

Yahşı qaravını üstüne 

Tartıp turganı qasında,

Neşe ciddi köp müyim

Maselelerdi añıpyatır...   

 

Atta är kim so Quran’dı,

Qulaq berip tıñlamaga  

Özin mejbur biliypyatır.

Nege dese barı eldi,

İdare etkeni qasında  

Nav saraydı yasagan;

Em sosı acayip 

Nav islerdi körsetken  

Zat’tıñ, yani Allah’tıñ

Önerlerin ustalıgın, 

Neşe biyik qasiyetin,  

İsleri em emirlerin

Bîrer bîrer aytıpyatır...

 

So permanñ tamamında 

Üyken möhür bolganday

Yani Haq sözi bolganın 

Aşıqşa körsetkendey, 

Tagı em qarasan

Är bîr satır em cümlesine, 

Äş oqşarı bolmagan 

Bîr belgi em basılgan..

 

Yalgız Allah’tıñ bolganın       

Körtesiyek bir turra 

Közge aşıq körinipyatır.....

 

Sosınlarman barabar 

İşindeki köp biyik,  

Em teren maneler,

Aqıyqatlar, emirler,  

Hikmetler üstinde em   

Sosı zatqa has bîrer  

Manevi möhür ökminde,    

Yalgız sonın bolganın 

Körsetkeni bîr mane,        

So kitapta körinipyatır.

 

Sözdiñ özi köp üyken

Nav permanKün’ge usap,

Azamatlı köp üyken

Kadir bolgan bîr Zat’tı,

Yani küşli Allah’tı,  

Barelerge körsetipatır...

 

Eger adem kör bolmasa,  

Özi tap köripyatır...

Mine ey arqadaş,    

Aqlın basında bolsa,

Nav sözler qapi bolgan...

Eger aytıyaq bir sözin     

Bar bolsa mine ayt!

 

Sosı yerge kelgeşe

Qaş kesek manemen

Aytılgan delillerdiñ

Körsetkeni köp yarıq,

Em üyken aqıyqat,

Allah’tıñ barlıgı,

Tagı bîrligi bolgan.

 

Nav sözlerdiñ soñında, 

Munşa delillerge qarap

Quday’ga, imanımızdı 

Taga yarıq qılsın dep

Barı köñilden yalbaramız!

      

Savlıqpan qalıñız!

 

Yusuf ALTINIŞIK

E-mail: altinisikyusuf@gmail.com

 

 
 


Bäyläneşle xäbärlär