د ترکیې د ملي دفاع وزیر د افغانستان د دفاع وزیر سره ټیلیفوني خبرې وکړې
د ترکیې د ملي دفاع وزیر خلوصي اکار د افغانستان د دفاع وزیر بسم الله محمدي سره ټیلیفوني خبرې وکړې.
د ترکیې د ملي دفاع وزارت د بیان په خپرولو سره ویلي دي چې د ملي دفاع وزیر خلوصي اکار نن د افغانستان د ملي دفاع وزیر بسم الله محمدي سره د ټیلیفون په کرښه خبرې وکړې.
پدې ټیلیفوني خبرو کې د دوه اړخیزو اړیکو، د سیمې پر امنیتي مسئلو او د کابل د حامد کرزي نړۍوال هوايي ډګر د امنیت په مسئلو خبرې او تبادل د نظر وشو.
پدې ټیلیفوني خبرو کې د ترکیې د ملي دفاع وزیر خلوصي اکار خپل افغان سیال ته ددې خبرې په ټینګار وویل چې ترکیې او افغانستان د تاریخ په اوږدو کې تل د ډیرو ستونزو او ناخوالو په مقابل کې په ګډه هماهنګي او همغږي ښودلې ده .
ترکیه د اوږدې مودې راهیسې د خپلو افغان ورورنو د سولې، ثبات، امنیت او استقرار د ټینګښت په خاطر د خپل وس او توانه پورې هڅه کوي. لکه څرنګه چې د ترکیې ښاغلي ولسمشر ویلي دي ترکیه به خپل افغان ورورنه هیڅکله یواځې پرینږدي. تر کومه چې زمونږ افغان ورورنه وغواړي مونږ د هغوې ترڅنګ دریدو ته دوام ورکوو.
اکار په افغانستان کې د سولې د بهیر پر اهمیت ټینګار وکړ او زیاته کړه چې دا بهیر باید ژوندی وساتل شي. ځکه چې د افغانستان د موجودې ستونزې یواځنۍ حل لاره سیاسي او سوله ایزه حل لاره ده.
اړوند خبرونه
د تورکیې او اروپايي ټولنې ترمنځ د ویزې د ستونزو د هواري لپاره خبرې اترې روانې دي.
د تورکیې د سوداګرۍ وزیر عمر بولات په پلازمینه انقره کې د اروپايي اتحادیې او تورکیې اړیکې و ارزولې.