د ترکیې د دیاربکر په ولایت کې پر ملکي وګړو خونړی بمي برید وشو
د ترکیې د دیاربکر ولایت د کولپ په ولسوالۍ کې د پ ک ک ترهګرې ډلې د ملکي وګړو د سپرلۍ پر موټر بمي برید وکړ چې په نتیجه کې ۷ تنه شهید او ۱۰ تنه نور ټپیان شوي دي.
د ترکیې د دیاربکر ولایت د کولپ په ولسوالۍ کې د پ ک ک ترهګرې ډلې د ملکي وګړو د سپرلۍ پر موټر بمي برید وکړ چې په نتیجه کې ۷ تنه شهیدان او ۱۰ تنه نور ټپیان شوي دي.
د پیښې ټپیان د کولپ ولسوالۍ او دیاربکر ولایت مرکزي روغتونونو ته انتقال او د درملنې لاندې نیول شوي دي.
امنیتي ځواکونو د نوموړي خونړي برید د فاعلینو د تثبیت او نیولو په خاطر پراخه عملیات پیل کړي دي.
د ترکیې ولسمشر رجب طیب اردوغان دا خونړی او وحشي برید په کلکو ټکو غندلی دی. ولسمشر اردوغان ددې پيښې د شهیدانو لپاره د الله د دربار څخه د رحمت او مغفرت او ټپیانو ته د عاجلې شفاء غوښتنه کړې ده .
ولسمشر اردوغان د پیښې په اړه د دیاربکر د ولایت د والي حسن بصري ګوزل اوغلو نه پوره معلومات واخیستل.
ولسمشر اردوغان د والي نه د پيښې په اړه د پوره معلوماتو اخیستو نه وروسته وویل چې « دا منفور او وحشي ترهګری برید په کلکو ټکو غندم. د شهیدانو لپاره د الله د دربار څخه د رحمت او مغفرت او د ټپیانو لپاره د هر څه شفاء غوښتنه کوم. ددې ترهګري برید د فاعلینو د تثبیت او نیولو په خاطر به خپل ټول امکانات په کار واچو او دا مسئله به پخپله تعقیب کړم.»
همداشان ولسمشر اردوغان ددې پیښې د شهیدانو د کورنیو سره د ټيلیفون په کرښه خبرې وکړې او د هغوې سره غمشریکي ښکاره کړه.
د ترکیې د ملي شورا رئیس مصطفی شن توپ د خپل ټویټر پاڼې له لارې ددې ترهګري برید په اړه غبرګون وښود.
هغه وویل چې پر ملکي وګړو د ترسره شوي دې خونړي برید غچ به خامخا اخیستل کیږي. ددې پيښې فاعلین به پرته د سزا پاتې نشي.
د ترکیې د جمهوریت خلق ګوند عمومي مشر کمال کلچدار اوغلو هم د خپلې ټویټر پاڼې له لارې د برید په اړه سخت غبرګون ښودلی دی.
هغه دا برید په کلکو ټکو غندلی دی.
د بله پلوه د نوموړې پيښې په تړاو د یاربکر ولایت لپاره د خلکو د دیموکراتیک ګوند د ولسوالۍ مشر او کولپ ولسوالۍ د ښاروالۍ د حفط او مراقبت مدیر نیول شوي دي.
د نوموړې پیښې په اړه د تحقیقاتو په ترڅ کې د چاودنې نه لنډه موده مخکې په سیمه کې د کولپ ولسوالۍ د ښاروالۍ اړوند یو موټر لیدل شوی وو چې په پایله کې د ۴ تنو د نیولو امر وشو.
د دیاربکر ولایت امنیتي ځواکونو نوموړو ۴ تنو نه ۲ تنه د ځانګړو عملیاتو په ترڅ کې ونیول او د دوو تنو نورو د نیولو په خاطر هلې ځلې دوام لري.
اړوند خبرونه
د تورکیې او اروپايي ټولنې ترمنځ د ویزې د ستونزو د هواري لپاره خبرې اترې روانې دي.
د تورکیې د سوداګرۍ وزیر عمر بولات په پلازمینه انقره کې د اروپايي اتحادیې او تورکیې اړیکې و ارزولې.
