په انقره کې ګړندی ريل ګادی د بل ريل ګاډي سره وجنګيد
په پلازمينه انقره کې ګړندي ريل ګادی د لارو د کنټرول لارښود ريل ګاډي سره وجنګيد.
په پلازمینه انقره کې د ګړندي ریل ګاډي د ټکر له امله د مړو شمیره لوړه شوه.
نن د سهار په وختي ساعتونو کې د انقرې نه قونیې ولایت ته روان ګړندي ریل ګاډي د انقرې د ینې محلې د ولسوالۍ اړوند د مارشان دیز په تم ځای کې د لارو د کنټرول او لارښود ریل ګاډي سره وجنګید. په پیښه کې ۹ تنو ژوند د لاسه ورکړی او ۴۷ تنه نور ټپيان شوي دي.
د انقرې والي واصف شاهين خبري رسنيو ته وويل چې نن د سهار د شپږنيمو بحو په شاوخوا کې د انقرې نه قونيې ولايت ته روان د ګړندي ريل ګاډی د ينې محلې د ولسوالۍ دمارشان دیز په تم ځای کې د لارو د کنټرول لارښود ريل ګاډي سره وجنګيد.
د والي په وينا د پيښې د رامنځته کيدو پر مهال د ريل ګاډي سرعت په ساعت کې د ۸۰ نه تر ۹۰ کيلو مترو وو.
د ترکیې د ټرانسپورت او بڼسټیزو چارو د وزارت لخوا د خپور شوي بیان له مخې نن د سهار په شپږو بجو او ۳۶ دقیقو قونیې ولایت ته روان ګړندی ریل ګاډی د انقرې د ینې محلې په ولسوالۍ کې د مارشان دیز په تم ځای کې د لارو د کنټرول او لارښونې د ریل ګاډي سره ټکر وکړ. په بیان کې راغلي دي چې خطا د لارو د کنټرول او لارښونې ریل ګاډي وه. نوموړی ریل ګادی باید پدې ساعت کې د ګرندي ریل ګاډي د پټلۍ نه خارج شوی وی.
د ترکیې د ټرانسپورت او بنسټیزو چارو وزیر جاهد تورخان خبري رسنیو ته ویلي دي چې پدې پيښه کې ۹ تنو ژوند د لاسه ورکړی او ۴۷ تنه نور ټپيان شوي دي.
هغه ویلي دي چې پدې پيښه کې ۳ تنو ماشین کارانو او پنځو تنو مساپرو ژوند د لاسه ورکړی دی. همداشان ۴۸ تنه ټپیان شوي وو چې د ټپیانو نه هم یو تن په روغتون کې ساه ورکړه چې د مړو شمیره ۹ تنو ته لوړه شوه. وزیر ویلي دي چې د پيښې په اړه تحقیقات پيل شوي دي.
ټپيان نږدې روغتونونو ته انتقال او د درملنې لاندې نيول شوي دي.
د انقرې والي ويلي دي چې د پيښې اصلي لامل ناڅرګند او په اړه يي تحقيقات پيل شوي دي.
د بله پلوه د انقرې لوی څارنوالۍ هم د پيښې په اړه تحقيقات پيل کړي دي.
اړوند خبرونه
د تورکیې او اروپايي ټولنې ترمنځ د ویزې د ستونزو د هواري لپاره خبرې اترې روانې دي.
د تورکیې د سوداګرۍ وزیر عمر بولات په پلازمینه انقره کې د اروپايي اتحادیې او تورکیې اړیکې و ارزولې.