په پاکستان کې د سرې سترګې ساري ناروغۍ په چټکۍ سره مخ په خوریدو ده

په پاکستان کې د "سرې سترګې" (کنجکټیوایټس) په ساري ناروغۍ د اخته کسانو شمیر له ۸۶ زرو څخه واوښت.

د ډان ورځپاڼې د خبر له مخې د هېواد په بېلابېلو ایالتونو کې د «سرې سترګې» په ناروغۍ د اخته کسانو شمېر مخ په ډېرېدو دی.

د پنجاب د روغتیا وزارت لخوا شریک شوو ارقامو له مخې، په سپټمبر کې د سترګو په ساري ناروغۍ د اخته کسانو شمیره ۸۶ زره ۱۳۳ تنو ته رسیدلی دی .

په تېره یوه اوونۍ کې په پنجاب کې تر ۴۰ زرو ډېرې پېښې ثبت شوې دي.

د پنجاب د موقت حکومت لومړي وزیر محسن رضا نقوي ویلي چې په شخصي او دولتي ښوونځیو کې تعلیم د یادې ناروغۍ له امله وځنډول شو.

روغتیا پوهانو خبرداری ورکړی چې د "سرې سترګې" ناروغي په چاپیریال کې په چټکۍ سره خپریږي لکه فابریکې، بازارونو او پلازمینې او په ګڼ میشته ښارونو کې.

کارپوهانو ویلي، چې هر کال د «سرې سترګې» ناروغۍ پېښې زیاتېږي، خو سږ کال د دغې ناروغۍ شدت ډېر دی او له خلکو یې غوښتي، چې احتیاطي تدابیر ونیسي.

کارپوهانو هغو کسانو ته چې د "سرې سترګې" په ناروغۍ اخته دي سپارښتنه کړې چې تورې عینکي واغوندي او ټینګار یې وکړ چې دا خلک باید خپل بسترونه او شخصي سامانونه جلا کړي.