د چین د یو اوبتل د ډوبیدو له امله د ۵۵ تنو د وژل کیدو ادعا شوې ده
د چین اتومي ځواک لرونکې اوبتل په ژیړ بحر کې د دښمن اوبتلونو لپاره په جوړ شوي خپل دام کې د بندیدو نه وروسته د اوبتل ۵۵ تنو عملې شتون د لاسه ورکړی دی.
د چین اتومي ځواک لرونکې اوبتل په ژیړ بحر کې د دښمن اوبتلونو لپاره په جوړ شوي خپل دام کې د بندیدو نه وروسته د اوبتل ۵۵ تنو عملې شتون ژوند د لاسه ورکړی دی.
د انګلستان د "ټايمز" او "ډیلي ميل" ورځپاڼو د "پټ" کوډ شوي راپور پر بنسټ چې د برتانوي استخباراتو لخوا افشا شوي، په خپور کړي خبر کې ویلي دي چې د چين د خلکو د ازادۍ پوځ سمندري ځواکونو اړوند یو اټومي اوبتل د اګست په ۲۱ مه په شمال کې د شان دونګ په سیمه کې د اوبتلونو لپاره په جوړ شوي دام کې بند شوی دی.
د استخباراتو په راپور کې ویل شوي چې دا اوبتل چې د چین لخوا د امریکا او د هغې د متحدینو اوبتلونو لپاره په جوړ شوي دام کې بند پاتې وو ، د ۶ ساعتونو لپاره د اوبو لاندې بنده پاتې وه ، د بیټرۍ د خلاصیدو نه وروسته د اکسیجن سیستم فعالیت د لاسه ورکړی وو. پدې پيښه کې د اوبتل د کپتان ډګروال شی یونګ پینګ په ګډون ۲۲ افسران ، ۷ تنه زده کونکي افسران، ۹ خورد ضابطان او ۱۷ سرتیرو په ګډون ۵۵ تنو پوځیانو ژوند د لاسه ورکړی دی.
یو برتانوي سمندري افسر د ډیلي میل سره په مرکه کې ویلي دي چې چین د نړۍوال ملاتړ غوښتنه نده کړې .
په داسې حال کې چې چین تر اوسه دا پېښه نه ده تایید کړې، خو د بریتانیا شاهي سمندري ځواکونو هم ورځپاڼو ته له څه ویلو ډډه کړې.
د پیښې په وخت کې، په چین کې په ټولنیزو رسنیو کې اوازې خپرې شوې چې یوه اټومي اوبتل ژیړ بحر ته نږدې یا د تایوان تنګي کې د یوې حادثې سره مخامخ شوې ده .
