د شمالي کوریا ولسمشر کیم جونګ اون د امریکا سره هر ډول جګړې ته پوره چمتووالی وښود.
شمالي کوریا : زمونږ پوځ د امریکا پر خلاف هر ډول جګړې ته پوره چمتوالی لري
د شمالي کوریا ولسمشر کیم جونګ اون د امریکا سره هر ډول جګړې ته پوره چمتووالی وښود.
کیم جونګ اون دا څرګندونې د کوریا د جګړې د اوربند د ۶۹مې کلیزې په مناسبت په جوړو شوو مراسمو کې چې ددې هیواد د دولتي تلویزیون لخوا په ژوندۍ بڼه خپریدې وکړې.
کیم د دې خبرې په ټینګار وویل چې د شمالي کوریا وسله وال ځواکونه هر ډول کړکیچ ته د ځواب ویلو لپاره بشپړ چمتووالی لري. هغه زیاته کړه "زموږ د هیواد اټومي وسله او مطلق ځواک د خپل ماموریت سره سم په بشپړ او چټکۍ سره هر ډول اقدام او تحرک ته چمتو ده."
کیم زیاته کړه چې امریکا متحده ایالتونه د شمالي کوریا پر وړاندې خپلو خصمانه او دښمنانه پالیسو ته د مشروعیت ورکولو په خاطر شمالي کوریا په "شیطانت" تورنوي .
هغه یادونه وکړه چې د امریکا متحده ایالتونو او سویلي کوریا پوځي تمرینونه چې شمالي کوریا په نښه کوي په اصل کې د متحده ایالتونو "دوه ګونی معیار" او یو بام او دوه هوا چلندونو ښکارندويي کوي. دا چلند ددوې د مافیايي څیرې په ډاګه کوي.
کیم وویل، "د یون سوک یول په مشرۍ د سویلي کوریا حکومت د پخوانیو محافظه کاره حکومتونو په پرتله لا زیات د بې منطقو او غلو لخوا اداره کیږي.
کیم دې ته په اشارې سره وویل چې د اټومي وسلې لرونکي هیواد په وړاندې د پوځي اقدام په اړه خبرې کول یو ډیر خطرناک او ځانمرګی عمل دی. "دا ډول خطرناکه هڅه به زموږ د ځواکونو لخوا سمدستي مجازات شي او د یون سوک یول حکومت او اردو به له منځه یوسي."
شمالي کوریا د جولای په ۳ مه په مادرید کې د ناټو سازمان د ۳۲ مې سرمشریزې په څنډه کې د امریکا، جنوبي کوریا او جاپان د درې اړخیزه او کې د پوځي همکارۍ په اړه غبرګون وښود.
د شمالي کوریا د بهرنیو چارو د وزارت لخوا په خپره شوې خبرپاڼه کې راغلي دي چې د جنوبي کوریا ولسمشر یون سوک یول، د جاپان لومړي وزیر کیشیدا فومیو او د امریکا ولسمشر جو بایډن په مادرید کې د ناټو د ۳۲مې سرمشریزې په څنډه کې په درې اړخیزه غونډه کې د پوځي همکاریو په اړه خبرې وکړې. شمالي کوریا دا غونډه په کلکه توګه غندي.
