اسرائیلو د فلسطین په جنین ښار باندې هوايي برید وکړ.
اسرائیلي هوايي ځواکونو پر فلسطین درانده هوايي بریدونه وکړل
اسرائیلو د فلسطین په جنین ښار باندې هوايي برید وکړ.
اسرائیلو د اشغال لاندې د لویدیځې غاړې په جنین ښار باندې د اسرائیلو د هوایي برید او چاپې په نتیجه کې لږ تر لږه ۵ تنه وژل شوي او ۲۷ تنه نور ټپیان شوي دي.
د فلسطین د روغتیا وزارت لخوا په خپره شوې خبرپاڼه کې ویل شوي چې په جنین ښار د اسرائیلو د هوايي برید په پایله کې ۵ تنو فلسطینیانو ژوند د لاسه ورکړی او ۲۷ تنه ټپیان شوي دي.
له هوايي برید وروسته اسرائیلي پوځ له بیلدوزرونو په ملتیا سره پر ښار برید وکړ او د جنین د کډوالو کمپ یې کلابند کړ.
د فلسطین رسمي خبري اژانس WAFA ویلي چې اسرائیلي پوځیانو د جنین د کډوالو په کمپ د چاپې پر مهال د فلسطینیانو یو شمېر کورونه محاصره کړل او پوځیانو د هغو امبولانسونو مخه ونیوله چې د ټپیانو د لېږدولو هڅه یې کوله.
اسرائیلي الوتکو د جنین د کډوالو په کمپ کې چې دخولي او خروجي دروازې د اسرائیلي ځواکونو لخوا نیول شوي وو د هوا له لارې الوتنې کولې.
د فلسطین اسلامي جهاد غورځنګ اعلان وکړ چې د اسرائیلو بریدونو ته به ځواب ورکړي.
اړوند خبرونه
په کویټ کې اورلګیدنې له امله ستره فاجعه رامنځته شوې ده
د کويټ په جنوب کې د احمدي په ولايت کې د اور لګیدنې له امله ستره فاجعه رامنځته شوې ده .