Эрдоган Эл аралык жакшылык сыйлыктарын тапшыруу аземинде сөз сүйлөдү

Президент Режеп Таййип Эрдоган: «76 жылдан бери үйлөрүнө, мекенине кайтууну кыялданган палестиналык боордошторубуздун алдында жоопкерчилигибиз бар»,-деди.

Президент Эрдоган кечээ кечинде 7-Эл аралык жакшылык сыйлыктарын тапшыруу аземинде сөз сүйлөдү.

Сөзүндө Израилдин Газага кол салууларына кеңири орун берген Эрдоган: «76 жылдан бери (Израиль түзүлгөндөн бери) үйлөрүнө, мекенине кайтууну кыялданган палестиналык боордошторубуздун алдында жоопкерчилигибиз бар. Биз аларды көз жаздымда калтыра албайбыз»,-деп айтты.

Батыштык күчтөр «бардык текебердигине жана ойлонбостугуна карабастан» Израилдин премьер-министри Биньямин Нетаньяхунун артында турган сайын Палестинадагы кыргындардын алдын алуу мүмкүн эмес экенин билдирген Эрдоган: «Блокаданын айынан буга чейин ачык асман алдындагы оорукана болгон Газа акыркы 229 күндүн ичинде балдардын мүрзөсүнө айланды. Газада төгүлүп жаткан канда баскынчылар сыяктуу эле аларга материалдык-техникалык жана аскердик колдоо көрсөткөндөр да күнөөлүү»,-деди.

Президент Эрдоган: «Эгер сионисттик экспансионизм ушинтип улана берсе, ачык айтып жатам дүйнөбүздү жаңы кагылышуулар күтөт»,-деп эскертти.