Эрдоган: «Аллах жүрөгүңөрдү бир кылсын»

Президент Режеп Таййип Эрдоган Стамбулдагы Аясофия мечитинде окуган жума намазынан кийин коомчулукка кайрылды.

Жарандарды Кадыр түн менен куттуктаган президент Эрдоган: «Аллах жүрөгүңөрдү бир кылсын»,-деди. деди.

Израилдин Газадагы кол салууларына да токтолгон президент Эрдоган: «Ал жакта бир туугандарыбыз Израилдин зулумдугу астында. Лейла-и Кадир (Кудайдын кечи) дубасы үчүн Аллах бул боордошторубузду зулумдан сактасын. Учурда биз колубуздан келген бардык колдоолорду жана жардамдарды жөнөтүп жатабыз жана жөнөтүүнү да улантабыз», - деп айтты.

Ынтымак жана биримдиктин маанилүүлүгүнө көңүл бурган президент Эрдоган Курани Каримдеги Али Имран сүрөсүнүн 103-аятын окуп: «Баарыңар Аллахтын жибин, б.а. Куранды бекем кармагыла, жыгылбагыла. Бөлүнбөгүлө. Кептин баары мына ушунда. Биз бөлүнбөйбүз. Бирге болобуз, ынтымакта болобуз. Муну менен бирге Жараткан ар дайым күч-кубатыбызды, күчүбүздү сактасын. Аллах бизди Рамазанга жеткиргендей Орозо айтка да жеткирсин. Майрамды майрамдай кылгандардан болушун каалайм. Аллах ынтымагыбызды туруктуу кылса экен деп тилейм», - деди.